news

သာသနာ့အရေခြုံကာ သံဃာ့ဝိနည်းနှင့်အညီကျင့်ကြံနေထိုင်ခြင်းမရှိဘဲ သာသနာညှိုးနွမ်းစေရန် လုပ်ဆောင်ခဲ့သော မန္တလေးတိုင်းဒေသကြီး၊ စဉ့်ကိုင်မြို့၊ ပြည်တော်သာကျောင်းတိုက်မှ ဦးဇဝန(ခ)ဇာနည်ကိုကို အား ဖမ်းဆီးရမိ

နေပြည်တော်၊ ဇန်နဝါရီလ ၈ ရက်

        ၂၀၂၂ ခုနှစ်၊ ဇန်နဝါရီလ ၁ ရက် နံနက်တွင် မန္တလေးတိုင်းဒေသကြီး၊ စဉ့်ကိုင်မြို့၊ ပြည်တော်သာကျောင်းတိုက်ဆရာတော် ဦးဇဝန က ၎င်း၏မွေးနေ့ပွဲပြုလုပ်မှုအား Ashin Zawana Facebook Account ၌ ရုပ်သံဖိုင် Live လွှင့်ခဲ့ပါသည်။ ၎င်းရုပ်သံဖိုင်တွင် ဦးဇဝန သည် သာမန်လူပုဂ္ဂိုလ်များကဲ့သို့ မွေးနေ့အား ကျင်းပပြုလုပ်ခဲ့သည့်အပြင် ၎င်းကို ကိုးကွယ်သူများက နမ်းခြင်း၊ မွေးနေ့သီချင်းများသီဆိုခြင်း၊ အရက်သေစာ သောက်စားခြင်း၊ ကခုန်ခြင်းများပြုလုပ်ခဲ့မှုသည် သံဃာ့ဝိနည်းနှင့်မညီသည့်အပြင် သာသနာ ညှိုးနွမ်းစေနိုင်သည့် လုပ်ဆောင်မှုများဖြစ်သောကြောင့် ဖြစ်စဉ်မှန်ပေါ်ပေါက်စေရေး ဇန်နဝါရီလ ၃ ရက်တွင် ဦးဇဝန(ခ) ဇာနည်ကိုကို အား ၎င်းမွေးနေ့ပွဲကျင်းပခဲ့ရာ မန္တလေးတိုင်းဒေသကြီး၊ ချမ်းမြသာစည်မြို့နယ်၊ မြို့သစ်(၁)ရပ်ကွက်၊ ၇၁ လမ်း နှင့် ၁၀၂(A) လမ်းထောင့်ရှိ ဇော်မျိုးအောင်၏နေအိမ်၌ ဇော်မျိုးအောင် အပါအဝင် သာသနာညှိုးနွမ်း အောင် ပူးပေါင်းပါဝင်သူ ၁၃ ဦး နှင့်အတူ ဖမ်းဆီးထိန်းသိမ်းခဲ့သည်။

ကမ္ဘောဒီးယားနိုင်ငံဝန်ကြီးချုပ် Samdech Akka Moha Sena Padei Techo HUN SEN ဦးဆောင်သောကိုယ်စားလှယ်အဖွဲ့ ပြန်လည်ထွက်ခွာ

နေပြည်တော် ဇန်နဝါရီ ၈

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၏ ဖိတ်ကြားချက်အရ အလုပ်သဘောခရီးစဉ်အဖြစ်ရောက်ရှိနေသည့်  ကမ္ဘောဒီးယားနိုင်ငံဝန်ကြီးချုပ် Samdech Akka Moha Sena Padei Techo HUN SEN သည် ယနေ့နံနက်ပိုင်းတွင် နေပြည်တော်လေဆိပ်မှ အထူးလေယာဉ်ဖြင့် ပြန်လည်ထွက်ခွာ သည်။

Information Sheet ( China and Russian) 6-1-2020

နေပြည်တော်၊ ဇန်နဝါရီ - ၇

          တောင်ငူတပ်နယ်အတွင်းရှိ ကိုယ်ဝန်ဆောင်မိခင်များနှင့် အသက် ၂ နှစ်အောက် ကလေးငယ်များအား ကာကွယ်ဆေးထိုးနှံ၊ တိုက်ကျွေးခြင်းကို ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်၊ အေးချမ်းဖြိုးခန်းမ၌ ပြုလုပ်ရာ တောင်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထိန်ဝင်းနှင့် တာဝန်ရှိသူများက သွားရောက် ကြည့်ရှုအားပေးပြီး ကလေးငယ်များအတွက် စားသောက်ဖွယ်ရာများ ပေးအပ်သည်။