နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နိုင်ငံတော်စီမံအုပ်ချုပ်ရေးကောင်စီ အစည်းအဝေး (၁၂/၂၀၂၁)သို့ တက်ရောက်အမှာစကားပြောကြား
နေပြည်တော် ဇွန် ၇
နိုင်ငံတော်စီမံအုပ်ချုပ်ရေးကောင်စီ အစည်းအဝေး (၁၂/၂၀၂၁)ကို ယနေ့နံနက်ပိုင်း တွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကား ပြောကြားသည်။
အစည်းအဝေးသို့ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယ တပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီးမြထွန်းဦး၊ ဗိုလ်ချုပ်ကြီး တင်အောင်စန်း၊ ဗိုလ်ချုပ်ကြီး မောင်မောင်ကျော်၊ ဒုတိယဗိုလ်ချုပ်ကြီး မိုးမြင့်ထွန်း၊ မန်းငြိမ်းမောင်၊ ဦးသိန်းညွန့်၊ ဦးခင်မောင်ဆွေ၊ ဒေါ်အေးနုစိန်၊ Jeng Phang နော်တောင်၊ ဦးမောင်းဟာ၊ ဦးစိုင်းလုံးဆိုင်၊ စောဒန်နီယယ်၊ ဒေါက်တာဗညားအောင်မိုး၊ ဒုတိယဗိုလ်ချုပ်ကြီး စိုးထွဋ်၊ ဦးရွှေကြိမ်း၊ အတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးနှင့် တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦးတို့ တက်ရောက်ကြသည်။
news
တိုင်းဒေသကြီးနှင့် ပြည်နယ်အသီးသီးရှိ အခြေခံပညာကျောင်းများ အေးချမ်းတည်ငြိမ်စွာ ဖွင့်လှစ်သင်ကြား
နေပြည်တော်၊ ဇွန် - ၇
၂၀၂၁-၂၀၂၂ ပညာသင်နှစ်အတွက် အခြေခံပညာဦးစီးဌာနအောက်ရှိ အခြေခံ ပညာအထက်တန်းအဆင့်၊ အလယ်တန်းအဆင့်နှင့် မူလတန်းအဆင့်ကျောင်းများအား ဇွန် ၁ ရက်နေ့မှစ၍ မြန်မာနိုင်ငံတစ်ဝန်း၌ တစ်ပြိုင်တည်း အေးချမ်းတည်ငြိမ်စွာ စတင်ဖွင့်လှစ် သင်ကြားလျက်ရှိသည်။
KIA အဖွဲ့ထံတွင် စစ်အခြေခံနှင့် ဖောက်ခွဲရေးသင်တန်းတက်ရောက်ခဲ့သူအား လက်ပစ်ဗုံးများ၊ အကြမ်းဖက်ရာတွင်အသုံးပြုသည့်ပစ္စည်းများနှင့်အတူ ဖမ်းဆီးရမိ
နေပြည်တော်၊ ဇွန် - ၇
နိုင်ငံတော်မှ အကြမ်းဖက်အဖွဲ့အစည်းများအဖြစ်ကြေညာထားသော CRPH အနေဖြင့် နိုင်ငံတော်တည်ငြိမ်အေးချမ်းမှုကို ပျက်ပြားထိခိုက်စေရန် ရည်ရွယ်၍ အများပြည်သူလူထု သွားလာလှုပ်ရှားလျက်ရှိသည့် နေရာများအား မိုင်းထောင် တိုက်ခိုက်ခြင်း၊ ကလေးသူငယ်များ၏ပညာရေးကို ထိခိုက်စေရန် စာသင်ကျောင်း များအား မီးရှို့ဖျက်ဆီးခြင်း၊ မိုင်းထောင်တိုက်ခိုက်ခြင်းများကို လူသားချင်းစာနာ ထောက်ထားမှုမရှိဘဲ ဆောင်ရွက်လျက်ရှိသည်။ ထိုသို့အကြမ်းဖက်မှုဖြစ်စဉ်များကို ပြုလုပ်ရန်ရည်ရွယ်ချက်ဖြင့် တိုင်းရင်းသားလက်နက်ကိုင်အဖွဲ့များ ထံတွင် စစ်အခြေခံနှင့်ဖောက်ခွဲရေးသင်တန်းသို့ တက်ရောက်ခဲ့သည့် ထူးဝေလင်း (၂၃)နှစ်(ဘ) ဦးညီညီခင် အား မင်္ဂလာဒုံမြို့နယ်၊ ထောက်ကြန့်စစ်သင်္ချိုင်းအနီး ၂၀၂၁ ခုနှစ်၊ ဇွန်လ ၅ ရက် ညပိုင်းတွင် လုံခြုံရေးတပ်ဖွဲ့ဝင်များမှ ဖမ်းဆီးရမိခဲ့သည်။
မြို့နယ်အချို့၌ စာသင်ကျောင်း၊ ကျေးလက်ဆေးပေးခန်းနှင့် ဝန်ထမ်းအိမ်ယာတို့အား အကြမ်းဖက်သူများနှင့် လက်နက်ကိုင်သောင်းကျန်းသူများက မီးရှို့ဖျက်ဆီး
နေပြည်တော်၊ ဇွန် ၇
တိုင်းဒေသကြီး/ပြည်နယ်များရှိ မြို့နယ်အချို့၌ စာသင်ကျောင်း၊ ကျေးလက်ဆေးပေးခန်းနှင့် ဝန်ထမ်းအိမ်ယာတို့အား အကြမ်းဖက်သူများနှင့် လက်နက်ကိုင်သောင်းကျန်းသူများက မီးရှို့ဖျက်ဆီးခဲ့ မှုများပြုလုပ်ခဲ့ကြောင်း သိရသည်။
နိုင်ငံတော်သမ္မတဟောင်း ဦးဝင်းမြင့်၊ နိုင်ငံတော်၏ အတိုင်ပင်ခံ ပုဂ္ဂိုလ်ဟောင်း ဒေါ်အောင်ဆန်းစုကြည်နှင့် နေပြည်တော်ကောင်စီ ဥက္ကဌဟောင်း ဒေါက်တာ မျိုးအောင်တို့အား ဇမ္ဗူသီရိမြို့နယ်၊ သီးသန့်တရားရုံး၌ ရုံးထိုင်စစ်ဆေး
နေပြည်တော်၊ ဇွန် ၇
မန္တလေးတိုင်းဒေသကြီး၊ မိတ္ထီလာမြို့နယ်ရှိ “ရွှေအုန်းပင်”စားသောက်ဆိုင်ခြံဝင်းအတွင်း၌ မြေအောက်ခန်းအတွင်း ဖောက်ခွဲရေးပစ္စည်းများ ပြုလုပ်ရာမှ ပေါက်ကွဲမှုဖြစ်ပွားကာ အမျိုးသား ၁ ဦးသေဆုံးခဲ့ပြီး ဖောက်ခွဲရေးပစ္စည်းအများအပြားသိမ်းဆည်းရမိ
နေပြည်တော်၊ ဇွန် ၇
မန္တလေးတိုင်းဒေသကြီး၊ မိတ္ထီလာမြို့နယ်ရှိ “ရွှေအုန်းပင်”စားသောက်ဆိုင်ခြံဝင်းအတွင်း၌ မြေအောက်ခန်းအတွင်း ဖောက်ခွဲရေးပစ္စည်းများ ပြုလုပ်ရာမှ ပေါက်ကွဲမှုဖြစ်ပွားကာ အမျိုးသား ၁ ဦးသေဆုံးခဲ့ပြီး ဖောက်ခွဲရေးပစ္စည်းအများအပြားသိမ်းဆည်းရမိခဲ့ကြောင်း သိရသည်။
ဖြစ်စဉ်မှာ ၂၀၂၁ ခုနှစ်၊ ဇွန်လ ၆ ရက်နေ့ မွန်းလွဲ ၂ နာရီခွဲခန့်တွင် မိတ္ထီလာမြို့နယ်၊ ကံကောင်းကျေးရွာအနီး မိတ္ထီလာ-မလှိုင်-မြင်းခြံ ကားလမ်းဝဲဘက်ရှိ ဦးပြည့်ဖြိုးသူ(ခ)ကိုပန်းချီ (၃၅) နှစ်နှင့် မဝင်းစုကျော်(ခ)မနီနီ (၃၄)နှစ် (ဘ)ဦးစန်းမောင်တို့ပိုင်ဆိုင်သော “ရွှေအုန်းပင်” စားသောက်ဆိုင် ခြံဝင်းအတွင်းမှ ပေါက်ကွဲမှုဖြစ်ပွားကြောင်း သတင်းအရ လုံခြုံရေးတပ်ဖွဲ့ဝင်များပါဝင်သော ပူးပေါင်း အဖွဲ့က သွားရောက်စစ်ဆေးခဲ့ရာ ပိုင်ရှင်ဖြစ်သူတို့အား မတွေ့ရှိရဘဲ အလုပ်သမားများဖြစ်ကြသော ကံကောင်းကျေးရွာနေ မတင်တင်မာ(၃၀)နှစ် (ဖ)ဦးအောင်မြင့်စိန်ပါ အမျိုးသား ၅ ဦးနှင့် အမျိုးသမီး ၁၄ ဦးတို့အား တွေ့ရှိခဲ့ရပြီး ခြံဝင်းအတွင်းဆက်လက်ရှာဖွေခဲ့ရာ သံဃာနားနေဆောင်အနီးတွင် အချင်း ၁၅ ပေ၊ အနက် ၅ ပေခန့်ရှိ မြေကျင်းတစ်ခုအနီးမှ လက်လုပ်မိုင်းအပိုင်းအစများ၊ သံတိုသံစများနှင့် ဘောစေ့များအားလည်းကောင်း၊ သံဃာနားနေဆောင်၏ အရှေ့တောင်ဘက် ပေ ၅၀ ခန့်အကွာရှိ ထန်းရွက်မိုးတဲအောက်မှ အလျား ၂၅ ပေ၊ အနံ ၁၀ ပေ၊ အမြင့် ၆ ပေရှိ အုတ်စီဆောက်လုပ်ထားသည့် မြေအောက်ခန်းတစ်ခုအား တွေ့ရှိရသဖြင့် ဝင်ရောက်စစ်ဆေးခဲ့ရာ အဆိုပါမြေအောက်ခန်းအတွင်း မိတ္ထီလာမြို့နယ်၊ နန်းတော်ကုန်းရပ်ကွက်နေ စိုးရန်နိုင် (၂၇)နှစ် (ဘ) ဦးညွှန့်အောင်အား ဦးခေါင်းပွင့် ဒဏ်ရာများဖြင့် သေဆုံးနေသည်ကို တွေ့ရှိခဲ့ရသဖြင့် အလောင်းအား မိတ္ထီလာမြို့ပြည်သူ့ဆေးရုံသို့ ပို့ဆောင်ပေးခဲ့သည်။
နေပြည်တော်၊ ဇွန် - ၆
ရှမ်းပြည်နယ်(တောင်ပိုင်း)၊ ရွှေညောင်မြို့ရှိ နယ်မြေခံတပ်အား ဇွန် ၅ ရက် ည ၈ နာရီ ၁၅ မိနစ်ခန့်တွင် အကြမ်းဖက်သူ ၃ ဦးက ဆိုင်ကယ်စီးနင်းကာ ခဲများဖြင့် ပစ်ပေါက်ခြင်း၊ ဆဲဆိုကြိမ်းမောင်းခြင်းများ ပြုလုပ်၍ မောင်းနှင်ထွက်ပြေးသွားခဲ့သဖြင့် လိုက်လံဖမ်းဆီးခဲ့ရာ လက်ပစ်ဗုံး ၁ လုံး၊ စိတ်ကြွရူးသွပ်ဆေးပြားများနှင့်အတူ ဖမ်းဆီးရမိခဲ့ကြောင်းသိရှိရသည်။
နေပြည်တော်၊ ဇွန် ၆
စစ်ကိုင်းတိုင်းဒေသကြီး၊ မင်းကင်းမြို့နယ်ရှိ MPT ဆက်သွယ်ရေးတာဝါတိုင်အား ဆူပူအကြမ်းဖက် သူများက မီးရှို့ဖျက်ဆီးခဲ့ကြောင်း သိရသည်။
နေပြည်တော်၊ ဇွန် ၆
ဧရာဝတီတိုင်းဒေသကြီး၊ ကျုံပျော်မြို့နယ်၌ တာဝန်ဝတ္တရားဆောင်ရွက်နေသော လုံခြုံရေး တပ်ဖွဲ့ဝင်များအား အကြမ်းဖက်သောင်းကျန်းသူများက လက်လုပ်သေနတ်များဖြင့် ပစ်ခတ် တိုက်ခိုက် ခဲ့၍ လုံခြုံရေးတပ်ဖွဲ့ဝင် ၁ ဦး ထိခိုက်ဒဏ်ရာရရှိကာ အကြမ်းဖက်သောင်းကျန်းသူ အမျိုးသား ၃ ဦးသေဆုံးခဲ့ပြီး ၂ ဦးအား လက်လုပ်သေနတ်များနှင့်အတူ ဖမ်းဆီးရမိခဲ့ကြောင်း သတင်းထုတ်ပြန်ခဲ့ပြီးဖြစ်သည်။