ဆူပူအကြမ်းဖက်သူ လူအုပ်စုများအနေဖြင့် လက်ပစ်ဗုံး၊ လက်လုပ်ဗုံးနှင့် လက်လုပ်မိုင်းများအား အသုံးပြုကာ အကြမ်းဖက်မှုလုပ်ရပ်များအား လုပ်ဆောင်
နေပြည်တော်၊ မေ ၁၄
နိုင်ငံတော်အတွင်း ဆူပူအကြမ်းဖက်သူလူအုပ်စုများအနေဖြင့် နိုင်ငံတော်ပိုင်အဆောက် အဦများ၊ အေးချမ်းစွာနေထိုင်လိုသော ပြည်သူလူထုအချို့၏ နေအိမ်များ၊ အများပြည်သူသွားလာ လှုပ်ရှားနေသော လမ်းမကြီးများပေါ်တွင် လက်လုပ်ဗုံးများ ပစ်ဖောက်ခြင်း၊ ထောင်ထားခြင်းများ အား လုပ်ဆောင်လျက်ရှိသည်။
ထိုသို့လုပ်ဆောင်ရာတွင် ရန်ကုန်တိုင်းဒေသကြီး၊ သန်လျင်မြို့နယ်၊ အမှုထမ်းရပ်ကွက်၊ သမဝါယမတက္ကသိုလ်လမ်းရှိ သာသနာ့ဗိမ္မာန်မြောက်ဘက်ခြံစည်းရိုးဘေး၌ လည်းကောင်း၊ အမှုထမ်းရပ်ကွက်၊ ရပ်ကွက်စီမံအုပ်ချုပ်ရေးအဖွဲ့ရုံး ရှေ့၌လည်းကောင်း၊ ဘုရားကုန်းကျေးရွာ၊ ကျေးရွာစီမံအုပ်ချုပ်ရေးအဖွဲ့ရုံး ဘေးရှိမြေကွက်လပ်၌ လည်းကောင်း၊ အမှုထမ်းရပ်ကွက်၊ ဘဏ်လမ်းကြား၌လည်းကောင်း၊ မြို့မမြောက်ရပ်ကွက်၊ မြို့နယ်စည်ပင် သာယာရေးကော်မတီရုံး၏ ခြံစည်းရိုးဘေး ရေမြောင်းအတွင်း၌ လည်းကောင်း၊ တာဝကျေးရွာရှိ ရန်ကုန်အရှေ့ပိုင်းတက္ကသိုလ် အရှေ့ လမ်းမပေါ်၌လည်းကောင်း စုစုပေါင်း ၆ နေရာတို့၌ မေ ၁၃ ရက် တွင် ပေါက်ကွဲမှုများဖြစ်ပွား ကြောင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါနေရာများမှ ပေါက်ကွဲထားသည့် PVC ပိုက်အပိုင်းအစများအား တွေ့ရှိသိမ်းဆည်းရရှိခဲ့ပြီး ပေါက်ကွဲမှုများကြောင့် လူနှင့်အဆောက်အဦ ထိခိုက်ပျက်စီးမှုမရှိကြောင်း သိရသည်။
