ပျဉ်းမနားမြို့နယ်၊ ကြိမ်အင်းကျေးရွာ၌ အကြမ်းဖက်မှုလုပ်ရပ်များတွင် အသုံးပြုမည့် လက်လုပ်မိုင်း များဖော်ထုတ်ဖမ်းဆီးရမိ

နေပြည်တော်၊ ဇွန် ၁၂             

            မြို့နယ်အချို့၌ အကြမ်းဖက်မှုလုပ်ရပ်များတွင် အသုံးပြုမည့် လက်နက်၊ ပစ္စည်း၊ ကိရိယာ များနှင့် သိုဝှက်သိမ်းဆည်းထားရှိသူများအား ဆက်လက်ဖော်ထုတ်ဖမ်းဆီးရမိခဲ့ကြောင်း သိရသည်။

              ထိုသို့ဖမ်းဆီးခြင်းများ ဆောင်ရွက်ခဲ့ရာ ယနေ့နံနက် ၁ နာရီခန့်တွင် ပျဉ်းမနားမြို့နယ်၊ ကြိမ်အင်းကျေးရွာရှိ ဇော်ဝင်းဦး(၄၇)နှစ် (ဘ)ဦးကိုကြီး၏နေအိမ်အား သတင်းအရ လုံခြုံရေး တပ်ဖွဲ့ဝင်များက ဝင်ရောက်ရှာဖွေရာ ဇော်ဝင်းဦးအား နေအိမ်၌ အသင့်တွေ့ရှိရပြီး ခြံဝင်းအတွင်း သံပိုက်ဖြင့် ပြုလုပ်ထားသည့် လက်လုပ်မိုင်း ၃ လုံး ရှာဖွေတွေ့ရှိရပြီး ဆက်လက်ရှာဖွေရာ ကတ္တူစက္ကူပုံး ၂ ပုံးဖြင့် ထည့်ထား‌သော အလျား ၆ လက်မ၊ လုံးပတ် ၁ လက်မခွဲခန့်ရှိ စနက်တံပါ လက်လုပ်မိုင်း ၅၇ လုံးအား ထပ်မံတွေ့ရှိသိမ်းဆည်းရမိခဲ့သည်။

          အထက်ပါဖြစ်စဉ်မှ အကြမ်းဖက်ရာတွင် အသုံးပြုမည့် လက်နက်၊ ပစ္စည်း၊ ကိရိယာ များအား သိုဝှက်သိမ်းဆည်းထားရှိသူများနှင့် လက်ဝယ်ထားရှိသူအား ဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်း သတင်းရရှိသည်။ 

နိုင်ငံတော်စီမံအုပ်ချုပ်ရေးကောင်စီ ၊ သတင်းထုတ်ပြန်ရေးအဖွဲ့၏ သတင်းစာရှင်းလင်းပွဲ အမှတ်စဉ် (၆/၂၀၂၁)

စစ်ကိုင်းတိုင်းဒေသကြီး၊ မုံရွာမြို့၌ ကျောင်းသူ၊ ကျောင်းသားများ အေးချမ်းစွာ စာပေသင်ကြားမှုကို မလိုလားသည့် အကြမ်းဖက်သူများက စာသင်ကျောင်းအား မီးရှို့ဖျက်ဆီး

နေပြည်တော်၊ ဇွန် ၁၁

               စစ်ကိုင်းတိုင်းဒေသကြီး၊ မုံရွာမြို့၌ ကျောင်းသူ၊ ကျောင်းသားများ အေးချမ်းစွာ စာပေ သင်ကြားမှုကို မလိုလားသည့် အကြမ်းဖက်သူများက စာသင်ကျောင်းအား မီးရှို့ဖျက်ဆီးမှုပြုလုပ်ခဲ့ ကြောင်းသိရသည်။

နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဘဝနတ်ထံစံလွန်တော်မူခဲ့သည့် ဈေးကုန်း ဆရာတော်ကြီး ဒေါက်တာ ဘဒ္ဒန္တ ကဝိသာရ၏ ဥတုဇရုပ်ကလာပ်တော်အားဖူးမြော် နေပြည်တော်၊ ဇွန် - ၁၁