news

နိုင်ငံတော်တည်ငြိမ်အေးချမ်းရေးကို ပျက်ပြားအောင် ဆောင်ရွက်နေသူ မိုးညှင်း မြို့နယ်၊ NLD ပါတီဝင် သက်ထားနှောင်း(ခ) သက်သူဇာခိုင်အား ကချင်ပြည်နယ်၊ မိုးညှင်းမြို့နယ်၊ နန်းမားမြို့တွင် ဖမ်းဆီးရမိ

နေပြည်တော်၊ ဩဂုတ်-၂၄

              တာဝန်သိပြည်သူများ၏ သတင်းပေးပို့ချက်အရ နိုင်ငံတော်တည်ငြိမ် အေးချမ်းရေးကို ပျက်ပြားရေးဆောင်ရွက်နေသူ ရာဇသတ်ကြီးပုဒ်မ-၅၀၅(က)ဖြင့် အမှု ဖွင့်လှစ်ထားပြီး ထွက်ပြေးတိမ်းရှောင်လျက်ရှိသော မိုးညှင်းမြို့နယ်၊ NLD ပါတီဝင် သက်ထားနှောင်း(ခ)သက်သူဇာခိုင်ကို ဩဂုတ်လ ၄ ရက်တွင် မိုးညှင်းမြို့နယ်၊ နန်းမား မြို့၊ ညောင်ကုန်းရပ်ကွက်၊ အိမ်အမှတ်(၁၄)ရှိ သစ္စာရှင်အထည်ဆိုင်၌ လုံခြုံရေး တပ်ဖွဲ့ဝင်များက ဖမ်းဆီးရမိခဲ့သည်။

              ဖမ်းဆီးရမိသူ သက်ထားနှောင်း၏ ထွက်ဆိုချက်အရ KIA သောင်းကျန်းသူ အဖွဲ့ထံသို့ ဆန်နှင့်စားသောက်ကုန်များ ပို့ဆောင်ပေးသူများဖြစ်သည့် KIA အဖွဲ့မှ ဗိုလ်ကြီးအဆင့်ရှိ တူးမိုင်နှင့် သန်းကြိုင်တို့ ၂ ဦးကို ဩဂုတ်လ ၁၄ ရက်တွင် ဟိုပင်မြို့၊ နတ်ကြီးကုန်းရပ်ကွက်ရှိ သန်းကြိုင်၏နေအိမ်၌ ဖမ်းဆီးရမိခဲ့သည်။

              သက်ထားနှောင်း၏ ထွက်ဆိုချက်အရ ၎င်းသည် ပူတာအိုမြို့နယ်၊ NLD ပါတီဝင် ဒိန်ခန်ဖုန်(ခ)ခန်လင်နှင့်အတူ တရားမဝင် အဖွဲ့အစည်းဖြစ်သည့် ကချင်ပြည်နယ် လွှတ်တော်ကိုယ်စားပြုကော်မတီ(Committee Representing of Kachin State Hluttaw-CRKH)အဖွဲ့ကို ဖေဖော်ဝါရီလ ၈ ရက်တွင် အဖွဲ့ဝင် ၂၁ ဦးဖြင့် လည်းကောင်း၊ မိုးညှင်းမြို့နယ်၊ ပြည်သူ့အုပ်ချုပ်ရေးအဖွဲ့ကို မတ်လ ၄ ရက်တွင် အဖွဲ့ဝင် ၂၇ ဦးဖြင့် လည်းကောင်း၊ မိုးညှင်းမြို့နယ်အတွင်းရှိ PDF အကြမ်းဖက်အဖွဲ့များအား ထောက်ပံ့ရေး လုပ်ငန်းများဆောင်ရွက်ရန် KIA တပ်မဟာ(၈)ထောက်ပံ့ရေးအဖွဲ့(TMH-8 Support Team)အဖွဲ့ကို အဖွဲ့ဝင် ၁၀ ဦးဖြင့်လည်းကောင်း ဖွဲ့စည်းခဲ့ပြီး အကြမ်းဖက်အဖွဲ့အစည်း များဖြစ်သည့် NUG နှင့် CRPH တို့၏ပံ့ပိုးကူညီမှုဖြင့် KIA သောင်းကျန်းသူနယ်မြေ အတွင်း အကြမ်းဖက်သင်တန်းဖွင့်လှစ်နိုင်ရန်  ဆောက်ရွက်ခဲ့ကြောင်း သိရှိရသည်။

              သက်ထားနှောင်းသည် KIA သောင်းကျန်းသူအဖွဲ့နယ်မြေအတွင်းရှိ PDF အဖွဲ့များ သင်တန်းတက်ရောက်နိုင်ရန်နှင့် အကြမ်းဖက်လုပ်ငန်းများအား ဆောင်ရွက် နိုင်စေရန် လိုအပ်သောရိက္ခာနှင့် အသုံးအဆောင်ပစ္စည်းများကို ချိတ်ဆက်ဝယ်ယူပို့ ဆောင်ခြင်အား အဓိကတာဝန်ယူဆောင်ရွက်ခဲ့ပြီး လိုအပ်သော ငွေကြေး ထောက်ပံ့ မှုအား NLD ပါတီဝင်များဖြစ်သည့် အကြမ်းဖက်အဖွဲ့အစည်း CRPH အဖွဲ့ဝင်၊ ဖြူဖြူသင်း (၂၀၁၂ ခုနှစ်၊ မင်္ဂလာတောင်ညွန့်မြို့နယ်၊ ပြည်သူ့လွှတ်တော် ကိုယ်စားလှယ်ဟောင်း)၊ NUG အဖွဲ့ဝင်၊ ရွှေပုံ(၂၀၁၅ ခုနှစ်၊ ပဲခူးမြို့နယ်၊ ပြည်သူ့လွှတ်တော်ကိုယ်စားလှယ်ဟောင်း)၊ တင်အေး(၂၀၁၅ ခုနှစ်၊ မိုးညှင်းမြို့နယ်၊ အမှတ်(၁)ပြည်နယ်လွှတ်တော်ကိုယ်စား လှယ်ဟောင်း)၊ မင်းဆွေနိုင်(၂၀၁၅ ခုနှစ်၊ မိုးညှင်းမြို့နယ်၊ မဲဆန္ဒနယ်အမှတ်(၆) အမျိုးသား လွှတ်တော်ကိုယ်စားလှယ်ဟောင်း)၊ ကျော်စွာဝင်း(ကသာမြို့နယ် NLD ပါတီဝင်)၊ ဝင်းဇော် (၂၀၁၅ ခုနှစ်၊ ကသာမြို့နယ် မဲဆန္ဒနယ်အမှတ်(၇)အမျိုးသား လွှတ်တော်ကိုယ်စား လှယ်ဟောင်း)၊ မျိုးကျော်(မိုးညှင်းမြို့နယ် NLD ပါတီဝင်)၊ ခင်နှင်းထွေး (မိုးညှင်းမြို့နယ် NLD ပါတီဝင်)၊ ခင်မကြီး(၂၀၁၅ ခုနှစ် မဲဆန္ဒနယ်အမှတ်(၈) အမျိုးသားလွှတ်တော် ကိုယ်စားလှယ်ဟောင်း)၊ မိုးညှင်းမြို့နေ ကျော်ခိုင်ဝင်း၊ ‌ဝေယံနှင့် ဟိုပင်မြို့နေ မချို တို့နှင့် ချိတ်ဆက်ဆောင်ရွက်ခဲ့ကြောင်း သိရှိရသည်။

              သက်ထားနှောင်းသည် ဇူလိုင်လ ၂၅ ရက်တွင် NLD ပါတီမှ ဝင်းနိုင်(၂၀၁၅ ခုနှစ်၊ မိုးကောင်းမြို့နယ်၊ ပြည်သူ့လွှတ်တော်ကိုယ်စားလှယ်ဟောင်း)နှင့် ဖြူဖြူသင်း အပါအဝင် NLD ကိုယ်စားလှယ်များနှင့် တရားမဝင်ဖွဲ့စည်းထားသော ကချင်အမျိုးသား နိုင်ငံရေး ညှိနှိုင်းဖြေရှင်းရေးအဖွဲ့(Kachin Political Interim Coordination Team-KPICT) တို့ဖြင့် အကြမ်းဖက်လုပ်ငန်းများ ဆောင်ရွက်ရန်အတွက် Zoom Meeting ပြုလုပ် ခဲ့ကြောင်း ဖော်ထုတ်သိရှိရသည်။

ဘဏ္ဍာရေးဆိုင်ရာကော်မရှင် ဒုတိယဥက္ကဋ္ဌ၊ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၂၀၂၁ ခုနှစ် အောက်တိုဘာလမှ ၂၀၂၂ ခုနှစ် မတ်လအထိ (၆)လ အတွက် တိုင်းဒေသကြီးနှင့် ပြည်နယ်များ၏ အရအသုံးခန့်မှန်းခြေ ငွေစာရင်း တင်ပြခြင်းဆိုင်ရာ ညှိနှိုင်းအစည်းအဝေးသို့ တက်ရောက် အမှာစကားပြောကြား

နေပြည်တော် ဩဂုတ် ၂၄

၂၀၂၁ ခုနှစ် အောက်တိုဘာလမှ ၂၀၂၂ ခုနှစ် မတ်လအထိ (၆)လအတွက် တိုင်းဒေသကြီးနှင့်ပြည်နယ်များ၏ အရအသုံးခန့်မှန်းခြေငွေစာရင်း တင်ပြခြင်း ဆိုင်ရာ ညှိနှိုင်းအစည်းအဝေးကို  ယနေ့မွန်းလွဲ ၂ နာရီတွင် နေပြည်တော်ရှိ နိုင်ငံတော် စီမံအုပ်ချုပ်ရေး ကောင်စီဥက္ကဋ္ဌရုံး အစည်းအဝေးခန်းမ၌ကျင်းပရာ ဘဏ္ဍာရေး ဆိုင်ရာ ကော်မရှင် ဒုတိယဥက္ကဋ္ဌ၊ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယ ဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်း တက်ရောက် အမှာစကားပြောကြားသည်။

ညှိနှိုင်းအစည်းအဝေးသို့ ဘဏ္ဍရေးဆိုင်ရာကော်မရှင် အတွင်းရေးမှူး ပြည်ထောင်စုဝန်ကြီး ဦးဝင်းရှိန်၊ ပြည်ထောင်စုစာရင်းစစ်ချုပ် ဒေါက်တာကံဇော်နှင့် ဒုတိယဝန်ကြီး ဦးမောင်မောင်ဝင်းတို့တက်ရောက်ကြပြီး ဘဏ္ဍာရေးဆိုင်ရာ ကော်မရှင် အဖွဲ့ဝင်များဖြစ်ကြသည့် တိုင်းဒေသကြီးနှင့် ပြည်နယ်ဝန်ကြီးချုပ်များ က Video Conferencing စနစ်ဖြင့် ချိတ်ဆက် တက်ရောက်ကြသည်။

ဦးစွာ ဘဏ္ဍာရေးဆိုင်ရာကော်မရှင် ဒုတိယဥက္ကဋ္ဌ၊ နိုင်ငံတော်စီမံအုပ်ချုပ်ရေး ကောင်စီ ဒုတိယဥက္ကဋ္ဌ၊ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက အဖွင့်အမှာ စကားပြောကြားရာတွင် နိုင်ငံတော်တွင် ဘဏ္ဍာရေးနှစ်အားဧပြီလ ၁ ရက်နေ့မှ မတ်လ ၃၁ ရက်နေ့အထိ ပြန်လည်ပြင်ဆင်သတ်မှတ်နိုင်ရန် ၂၀၂၂-၂၀၂၃ ခုနှစ်၊ ဘဏ္ဍာရေးနှစ်မှစ၍ ဆောင်ရွက်မည်ဖြစ်သည့်အတွက် လက်ရှိဘဏ္ဍာရေးနှစ် ကုန်ဆုံးသည့် ၂၀၂၁ ခုနှစ်၊စက်တင်ဘာ ၃၀ ရက်နောက်ပိုင်း ၂၀၂၁ ခုနှစ်၊ အောက်တိုဘာလမှ ၂၀၂၂ ခုနှစ်၊မတ်လအထိ (၆) လအတွက် ဘတ်ဂျက်အား ကြားကာလဘတ်ဂျက်အဖြစ် ရေးဆွဲဆောင်ရွက်မည်ဖြစ်ကြောင်း၊ လက်ရှိဖြစ်ပွား နေ သည့် ကိုဗစ်-၁၉ ကပ်ရောဂါ ကာကွယ်၊ ထိန်းချုပ်နိုင်ရေးအတွက် ချမှတ် ဆောင်ရွက် ရသည့် ကန့်သတ်ချက်၊ တားမြစ်ချက်များအရလည်းကောင်း၊ နိုင်ငံရေး အဖျက် အမှောက် လုပ်ရပ်များကြောင့်လည်းကောင်း နိုင်ငံတော်၏စီးပွားရေး လည်ပတ်မှု အပေါ် ထိခိုက်မှုရှိခဲ့ပြီးနိုင်ငံတော်၏ အခွန်အကောက်ရငွေများကျဆင်းခဲ့ကြောင်း၊ မိမိတို့အိမ်စောင့်အစိုးရအဖွဲ့အနေဖြင့် မည်သို့ပင်စိန်ခေါ်မှုများရှိပါစေ ပြည်သူများ၏ လူမှုစီးပွား လိုအပ်ချက်များအား ဖြည့်ဆည်းဆောင်ရွက်ပေးနိုင်ရန် ကြိုးပမ်း ဆောင်ရွက်လျက်ရှိကြောင်း။

ကိုဗစ်- ၁၉ ရောဂါကာကွယ်၊ ကုသရေးဆိုင်ရာဆေးဝါး၊ ဆေးပစ္စည်းများနှင့်ပတ်သက်၍တိုက်ရိုက်ချိတ်ဆက် ဝယ်ယူနိုင်စေရန် တင်သွင်းဆေးဝါးများ၏ Price List များအားမြန်မာနိုင်ငံဆေးနှင့်ဆေးပစ္စည်း လုပ်ငန်းရှင်များအသင်း၏ Website နှင့် Facebook Page များတွင် ထုတ်ပြန်ကြေညာပေးသွားမည်ဖြစ်

နေပြည်တော်၊ ဩဂုတ်- ၂၃

မြန်မာနိုင်ငံ ဆေးနှင့်ဆေးပစ္စည်း လုပ်ငန်းရှင်များအသင်းသည် ကိုဗစ်- ၁၉ ရောဂါကာကွယ်၊ ကုသရေးဆိုင်ရာဆေးဝါး၊ ဆေးပစ္စည်းမျိုးစုံတို့ကို အများပြည်သူများ ဈေးနှုန်းချိုသာစွာဖြင့် တင်သွင်းသူများထံမှ တိုက်ရိုက်ဝယ်ယူရရှိနိုင်အတွက် လည်းကောင်း၊ အရည်အသွေးစစ်မှန်၍ ယုံကြည်စိတ်ချရသော မှတ်ပုံတင်ရှိ ဆေးဝါး၊ ဆေးပစ္စည်းများကို တင်သွင်းသည့်ကုမ္ပဏီများထံမှ တိုက်ရိုက်ဝယ်ယူ နိုင်စေရန်အတွက်လည်းကောင်း၊ အများပြည်သူများ ဆေးဝါး၊ ဆေးပစ္စည်းများ လက်လီဝယ်ယူရာတွင် တင်သွင်းသော ကုမ္ပဏီများမှ ရောင်းဈေးနှင့်နှိုင်းယှဉ်လျှင် အလွန်အမင်းဈေးကြီးပေး၍ဝယ်ယူနေရခြင်းကို လျှော့ချတားဆီးနိုင်ရန်အတွက် လည်းကောင်း၊ တရားမဝင် online များမှ အမြတ်ကြီးစားရောင်းချသည့် မှတ်ပုံတင်မရှိသော၊ အရည်အသွေး အာမခံချက်မရှိသော ဆေးဝါး၊ ဆေးပစ္စည်းများကို တားဆီးရာတွင် အထောက်အကူဖြစ်စေရန်အတွက် လည်းကောင်း အစရှိသည့် ရည်ရွယ်ချက် ကောင်းများစွာဖြင့် အောက်ဖော်ပြပါ ဆေးဝါးများအား ယှဉ်တွဲပါ ဈေးနှုန်းများအတိုင်း ရောင်းချပေးလျက်ရှိပါသည်။ ၎င်းအပြင် အသင်းဝင် ဆေးဝါးတင်သွင်း သည့်ကုမ္ပဏီများထံမှ မိဘပြည်သူများ တိုက်ရိုက်ချိတ်ဆက်ဝယ်ယူနိုင်စေရန် တင်သွင်းဆေးဝါးများ၏ Price List များအား စုစည်း၍ ယနေ့မှစပြီးတစ်ပတ်လျှင်တစ်ကြိမ် အသင်း၏ Website(www.mccpmd.org) နှင့် Facebook Pagehttps://www.facebook.com/323302521392189/posts/1720802588308835/?d=nများတွင် ကြေငြာ ပေးသွားမည်ဖြစ်ကြောင်း အသိပေးကြေငြာအပ်ပါသည်။