news

နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း လွိုင်ကော်မြို့ရှိ မြို့နာမ်ရွှေစေတီတော်အားသွားရောက်ဖူးမြှော်ကြည်ညို၊ တိုက်ပွဲရှောင်ပြည်သူများအား ထောက်ပံ့ရေးပစ္စည်းများ ထောက်ပံ့ပေးအပ်၊

နေပြည်တော်၊ ဖေဖော်ဝါရီ - ၃

          နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း သည် အဖွဲ့ဝင်များလိုက်ပါ၍ ကယားပြည်နယ်ဝန်ကြီးချုပ်၊ အရှေ့ပိုင်းတိုင်းစစ်ဌာနချုပ် တိုင်းမှူး၊ တာဝန်ရှိသူများနှင့်အတူ  ယနေ့နံနက်ပိုင်းတွင် လွိုင်ကော်မြို့ရှိ မြို့နာမ် ရွှေစေတီတော်အား သွားရောက်ဖူးမြှော်ကြည်ညိုသည်။

နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း ကယားပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာများအား တွေ့ဆုံအမှာစကားပြောကြား

နေပြည်တော်၊ ဖေဖော်ဝါရီ - ၃

          နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း သည် နိုင်ငံတော်စီမံအုပ်ချုပ်ရေးကောင်စီဝင်များဖြစ်ကြသည့် ဦးစောဒန်နီရယ်၊ ဒုတိယ ဗိုလ်ချုပ်ကြီး စိုးထွဋ်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊  ကယား ပြည်နယ်ဝန်ကြီးချုပ် ဉီးဇော်မျိုးတင်၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် နီလင်းအောင်၊ တာဝန်ရှိသူများလိုက်ပါ၍  ကယားပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာဝန်ထမ်းများအား ပြည်နယ်အစိုးရအဖွဲ့ရုံးအစည်းအဝေး ခန်းမ၌ ယနေ့နံနက်ပိုင်းတွင် တွေ့ဆုံအမှာစကား ပြောကြားသည်။

နေပြည်တော်၊ ဇန်နဝါရီ - ၃

ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ (၅၈)ရပ်ကွက်၊ ဦးအုန်းလွင်လမ်းနေ ထက်ကိုဦး(ခ)ဂတုံး(ဘ)ဦးဌေးအောင် သည် ၂၀၂၁ ခုနှစ်၊ စက်တင်ဘာလမှစ၍ ဆူပူဆန္ဒပြမှုဖြစ်စဉ်များတွင် တတ်ကြွစွာပါဝင်လှုပ်ရှားခြင်း၊ အကြမ်းဖက်မှု တိုက်ဖျက်ရေးဗဟိုအဖွဲ့၏ အမိန့်ကြော်ငြာစာအမှတ်(၂/၂၀၂၁)ဖြင့် အကြမ်းဖက် အုပ်စုများအဖြစ်သတ်မှတ်ကြေငြာထားသည့် အဖွဲ့အစည်းများနှင့် ဆက်သွယ် ခြင်း၊ ဒဂုံမြို့သစ်(ဆိပ်ကမ်း)မြို့နဘ်၊ (၈၅)ရပ်ကွက်၊ ဦးအုန်းလွင်လမ်းရှိ အထည်ချုပ်စက်ရုံ အတွင်း၌ FCG-9 သေနတ် ၁ လက်၊ ၉ မမကျည် ၂၃၈ တောင့်၊ ကျည်အိမ် ၃ ခု၊  အပစ်ခလုတ် ၁ ခု၊ သေနတ်ဒင်အစိတ်အပိုင်း ၁ ခု၊ ကိုယ်ထည် အစိတ်အပိုင်း ၁ ခု၊ သေနတ်ပြောင်း ၆ ခု၊ မောင်းပြန်စပရိန် ၁ ချောင်း၊ လက်လုပ်မိုင်း ၄ လုံး၊ TNT မိုင်း ၄ လုံး၊ ယမ်းကြိုး ၁ ထုတ်၊ PVC ပိုက်ဖြင့် ပြုလုပ်ထားသော လက်လုပ်မိုင်း ၁ လုံးတို့အား သိမ်းဆည်းထားခဲ့ခြင်းဖြင့် အကြမ်းဖက်ဗုံးခွဲ တိုက်ခိုက် မှုဆိုင်ရာပြစ်မှုကို ကျူးလွန်ခဲ့ခြင်းအတွက်ကြောင့်လည်းကောင်း၊ ရန်ကုန်တိုင်းဒေသ ကြီး၊ သင်္ဃန်းကျွန်းမြို့နယ်၊ စံပြရပ်ကွက်၊ စံပြ(၁)လမ်း၊အမှတ်(၃၇၁)နေ ဝေယံထက် (ခ)နိုင်ကြီး(ဘ)ဦးဇော်မင်းလှိုင်၊ ဒဂုံမြို့သစ်(မြောက်ပိုင်း)မြို့နယ်၊ (၄၅)ရပ်ကွက်၊ ကြေးတိုင်လမ်း၊ အမှတ်(၂၈)နေ မျိုးမြင့်မြတ်အောင်(ခ)မျိုးကြီး(ခ)အောင်လေး (ဘ) ဦးကျော်ဇေယျအောင်နှင့် (၄၀)ရပ်ကွက်၊ ဗိုလ်တေဇလမ်း၊ အမှတ်(၉၉)နေ ဝင်းဇော်မိုး(ခ)မိုးဟိန်း(ခ) Brain Wave (ဘ)ဦးကျော်မင်းမင်းကို  တို့သည် တောင်ဥက္ကလာပမြို့မ ရဲစခန်းအား ၄၀ မမလောင်ချာ ၁ လက်ဖြင့် ပစ်ခတ်ခဲ့ခြင်းဖြင့် အများပြည်သူ၏ လုံခြုံရေးကိုဖြစ်စေ၊ အသက်အိုးအိမ်စည်းစိမ်ကိုဖြစ်စေ၊ အများ ပြည်သူ(သို့မဟုတ်)တစ်ဦးတစ်ယောက်အတွက် အရေးကြီးသောအခြေခံအဆောက် အဦများကိုဖြစ်စေ၊ နိုင်ငံပိုင်အဆောက်အဦကိုဖြစ်စေ ပြင်းထန်စွာ ထိခိုက်ဆုံးရှုံးစေ ရန်ပြလုပ်ခဲ့ခြင်းကြောင့် လည်းကောင်း စစ်အုပ်ချုပ်ရေး(Martial Law)စစ်ခုံရုံးဖွဲ့၍ စစ်ဆေးမှုများ ဆောင်ရွက်ခဲ့ရာ အကြမ်းဖက်မှုတိုက်ဖျက်ရေး ဥပဒေပုဒ်မ ၅၀(ဈ)၊ ရာဇသတ်ကြီး ပုဒ်မ-၅၀၅(က)(က)နှင့် ၅၀(က) တို့အရ ၂၀၂၁ ခုနှစ်၊ ဖေဖော်ဝါရီ ၂ ရက်တွင်  ၎င်းတို့အား “ထောင်ဒဏ် တစ်သက် ” ပြစ်ဒဏ်ကို အမိန့်ချ မှတ်လိုက် ကြောင်း သိရှိရသည်။