news

မြန်မာ- ကမ္ဘောဒီးယား နှစ်နိုင်ငံ တွေ့ဆုံဆွေးနွေး

နေပြည်တော် ဇန်နဝါရီ ၇

မြန်မာ - ကမ္ဘောဒီးယားနှစ်နိုင်ငံတွေ့ဆုံဆွေးနွေးပွဲကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပသည်။

ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ကမ္ဘောဒီးယားဝန်ကြီးချုပ်တို့သည် ပဏာမနှုတ်ခွန်းဆက် စကားများပြောကြားပြီး အခမ်းအနားသို့တက်ရောက်လာကြသည့် နှစ်နိုင်ငံကိုယ်စားလှယ်အဖွဲ့ဝင်များအား အပြန်အလှန်မိတ်ဆက်ပေးကြသည်။

ကမ္ဘောဒီးယားနိုင်ငံဝန်ကြီးချုပ် Samdech Akka Moha Sena Padei Techo HUN SEN ဦးဆောင်သောကိုယ်စားလှယ်အဖွဲ့ နေပြည်တော်သို့ အလုပ်သဘော ခရီးစဉ်ရောက်ရှိ

နေပြည်တော် ဇန်နဝါရီ ၇

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၏ ဖိတ်ကြားချက်အရ ကမ္ဘောဒီးယားနိုင်ငံဝန်ကြီးချုပ် Samdech Akka Moha Sena Padei Techo HUN SEN သည် အလုပ်သဘောခရီးစဉ်အဖြစ် ယနေ့နံနက် ပိုင်းတွင် နေပြည်တော်သို့ ရောက်ရှိကြသည်။

ကမ္ဘောဒီးယားနိုင်ငံဝန်ကြီးချုပ်အား သံတမန်ရေးရာဦးစီးဌာန ညွှန်ကြားရေးမှူးချုပ် ဦးဝဏ္ဏဟန်နှင့် မြန်မာနိုင်ငံဆိုင်ရာ ကမ္ဘောဒီယားနိုင်ငံသံအမတ်ကြီး H.E. Mr. CHHOUK Bunna တို့က အထူးလေယာဉ် ပေါ်၌ ခရီးဦးကြိုဆို နှုတ်ဆက်ကြသည်။

ထို့နောက်  ကမ္ဘောဒီးယားနိုင်ငံ ဦးဆောင်သည့်ကိုယ်စားလှယ်အဖွဲ့အား နိုင်ငံခြားရေး ဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်၊ အပြည်ပြည်ဆိုင်ရာပူးပေါင်းဆောင်ရွက် ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်၊ ကမ္ဘောဒီးယားနိုင်ငံဆိုင်ရာမြန်မာနိုင်ငံ သံအမတ်ကြီး ဦးသစ်လင်းအုန်း၊ နေပြည်တော်ကောင်စီဥက္ကဋ္ဌ ဒေါက်တာမောင်မောင်နိုင် နှင့်တာဝန်ရှိသူများက နေပြည်တော်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြ သည်။

ထို့ပြင် ကမ္ဘောဒီယားနိုင်ငံဝန်ကြီးချုပ်နှင့်အဖွဲ့အား နေပြည်တော်လေဆိပ်၌ ဂုဏ်ပြု တပ်ဖွဲ့နှင့်အတူ မြန်မာတိုင်းရင်းသား တိုင်းရင်းသူများနှင့် ယဉ်ကျေးမှုအဖွဲ့တို့က ဂုဏ်ပြုကြိုဆို ကြသည်။

အင်တာနက်ဝန်ဆောင်မှုများအပေါ် ကုန်သွယ်လုပ်ငန်းခွန်တိုးမြှင့်ကောက်ခံခြင်းနှင့်စပ်လျဉ်း၍ သတင်းထုတ်ပြန်ခြင်း

                   ဖွံဖြိုးဆဲနိုင်ငံအများစု၏ ဆက်သွယ်ရေးဝန်ဆောင်မှုသုံးစွဲခြင်းအပေါ် အခွန်ကောက် ခံမှုကိုလေလာရန်တွင် ပုံမှန်ကုန်သွယ်လုပ်ငန်းခွန်အပြင် ကဏ္ဍအလိုက်သီးခြားအခွန် (Sector specific tax)ကိုပါကောက်ခံလျက်ရှိကြောင်း တွေ့ရှိရသော်လည်း ယင်းကဏ္ဍအလိုက်သီးခြားအခွန်ကို မြန်မာ နိုင်ငံတွင် ယနေ့အထိ ကောက်ခံခြင်းမရှိသေးကြောင်းတွေ့ရှိရပါသည်။

                   ကိုဗစ်-၁၉ ကပ်ရောဂါကြောင့် ထိခိုက်ကျဆင်းလျက်ရှိသော စီးပွားရေးလုပ်ငန်း များကို ကုစားနိုင်ရန်အတွက် အခြားသော အခွန်ကောက်ခံမှုများကို လျှော့ပေါ့ခြင်း၊ ဆိုင်းငံ့ခြင်း များအား နိုင်ငံတော်က ဆောင်ရွက်ပေးလျက်ရှိပါသည်။        သို့ရာတွင် မြန်မာနိုင်ငံတွင် အင်တာနက် ဝန်ဆောင်မှု သုံးစွဲခြင်းမှာ များပြားလျက်ရှိသည့်အတွက် အင်တာနက်ဝန်ဆောင်မှုများသုံးစွဲမှုအပေါ် ကုန်သွယ်လုပ်ငန်းခွန် တိုးမြှင့်ကောက်ခံခြင်းဖြင့် နိုင်ငံ့ဝင်ငွေတိုးတက်ရရှိနိုင်သည့်အပြင် အင်တာနက်ကို အလွန်အကျွံအလွဲသုံးမှုများကြောင့် ပြည်သူများ၏ အလုပ်အကိုင်များကို ထိခိုက်မှုများ၊ မျိုးဆက်သစ် ကျောင်းသား၊ ကျောင်းသူများ၏ ရုပ်ပိုင်းနှင့် စိတ်ပိုင်းဆိုင်ရာ ထိခိုက်မှုများကို လျှော့ချပေးနိုင်မည် ဖြစ်ပါသည်။

                   ဖုန်းခေါ်ဆိုမှုနှင့် SMS သုံးစွဲမှုများအတွက် ကုန်သွယ်လုပ်ငန်းခွန်တိုးမြှင့်ကောက်ခံ မည်မဟုတ်ပါ။ အင်တာနက်ဝန်ဆောင်မှုများအပေါ် ကုန်သွယ်လုပ်ငန်းခွန် တိုးမြှင့်ကောက်ခံရာတွင် လည်း လူ့အစွမ်းအားအရင်းအမြစ် ဖွံ့ဖြိုးတိုးတက်ရေးနှင့် ကျန်းမာရေးဆိုင်ရာ ဗဟုသုတများရရှိရေး အတွက် သုံးစွဲသည့် အခွန်ထမ်းများအတွက် လိုအပ်သလို ဖြေလျှော့ပေးနိုင်ရေး စီမံဆောင်ရွက်သွားမည် ဖြစ်ပါသည်။ အင်တာနက်ဝန်ဆောင်မှုများအပေါ် ကုန်သွယ်လုပ်ငန်းခွန် တိုးမြှင့်ကောက်ခံသည့် အားလျော်စွာ ဝန်ဆောင်မှု အရည်အသွေးနှင့် ကွန်ရက်လွှမ်းခြုံနိုင်မှုတို့ကို ပိုမိုကောင်းမွန်အောင် စီမံဆောင်ရွက်ပေးမည်ဖြစ်ပါသည်။ အင်တာနက်ဝန်ဆောင်မှုများအပေါ် ကုန်သွယ်လုပ်ငန်းခွန် တိုးမြှင့် ကောက်ခံနိုင်ရန်အတွက် ၂၀၂၁ ခုနှစ်၊ ပြည်ထောင်စု၏ အခွန်အကောက်ဥပဒေကို ပြင်ဆင်သည့် ဥပဒေတွင် ထည့်သွင်းပြင်ဆင် ပြဋ္ဌာန်းခဲ့ပါကြောင်း သတင်းထုတ်ပြန်အပ်ပါသည်။

ကမ္ဘောဒီးယားနိုင်ငံဝန်ကြီးချုပ် မြန်မာနိုင်ငံသို့ အလုပ်သဘောခရီးစဉ် လာရောက်မည်

နေပြည်တော် ဇန်နဝါရီ ၆

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော် ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်၏ ဖိတ်ကြားချက်အရ ကမ္ဘောဒီးယားနိုင်ငံဝန်ကြီးချုပ်၊ ဆမ်ဒက် အာခါ မိုဟာ ဆီနာ ပါတိုင်း တဲ့ချို ဟွန်ဆင်သည် ၂၀၂၂ ခုနှစ်၊ ဇန်နဝါရီလ ၇ ရက်မှ            ၈ ရက်အထိ မြန်မာနိုင်ငံသို့ အလုပ်သဘောခရီးစဉ် လာရောက်မည်ဖြစ်သည်။

ခရီးစဉ်အတွင်း နှစ်နိုင်ငံခေါင်းဆောင်များအကြား နှစ်နိုင်ငံဆွေးနွေးပွဲတစ်ရပ် ကျင်းပပြုလုပ် မည်ဖြစ်ပြီး နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ရေးဆိုင်ရာကိစ္စရပ်များအပြင် အာဆီယံအပါအဝင် ဒေသဆိုင်ရာအကျိုးတူကိစ္စရပ်များကို ဆွေးနွေးအမြင်ချင်းဖလှယ်သွားမည် ဖြစ်သည်။ 

Prime Minister of Cambodia will pay a working visit to Myanmar

          At the invitation of Senior General Min Aung Hlaing, Chairman of the State Administration Council and Prime Minister of the Republic of the Union of Myanmar, Samdech Akka Moha Sena Padei Techo HUN SEN, Prime Minister of the Kingdom of Cambodia will pay a working visit to Myanmar from 7 to 8 January 2022.

During the visit, the two leaders will hold a bilateral meeting to discuss and exchange views on matters pertaining to promotion of bilateral relations and cooperation as well as on regional matters of common interests including ASEAN