news

နေပြည်တော်၊ မေ ၁  

              အကြမ်းဖက်အုပ်စုအဖြစ်ကြေညာထားသော CRPH၊ NUG နှင့် ယင်းတို့၏ လက်အောက်ခံ အဖွဲ့အစည်းများ၊ ယင်းတို့နှင့်ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည် နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့် ပြည်သူလူထုကို အကြောက်တရားများ ဖြစ်ပေါ်စေပြီး အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်း၊ ခြိမ်းခြောက်ခြင်းများ ကို လူမှုကွန်ရက်များမှတစ်ဆင့် နည်းမျိုးစုံဖြင့် ပြုလုပ်လျက်ရှိပါသည်။

နေပြည်တော်၊ မေ - ၁

ရှမ်းပြည်နယ်(တောင်ပိုင်း)၊ လင်းခေးမြို့နယ်အတွင်း ဧပြီ ၂၉ ရက်တွင် လေပြင်းတိုက်ခတ်မှုများ ဖြစ်ပေါ်ခဲ့သဖြင့် ဝမ်းစလောင်းကျေးရွာရှိ နေအိမ် ၉ လုံး နှင့် ဘုန်းတော်ကြီးကျောင်း ၁ ကျောင်းတို့ သွပ်မိုးအကာများပျက်စီးမှုများ ဖြစ်ပေါ်ခဲ့၍ ဒေသခံပြည်သူများအား ထောက်ပံ့ငွေပေးအပ်ပွဲကို ဧပြီ ၃၀ ရက် နေလယ်ပိုင်းတွင် ဝမ်းစလောင်းကျေးရွာဘုန်းတော်ကြီး၌ ပြုလုပ်ရာ ရှမ်းပြည်နယ်ဝန်ကြီးချုပ် ဒေါက်တာ ကျော်ထွန်း၊ အရှေ့အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် လှမိုးနှင့် တာဝန်ရှိသူများ၊ ဒေသခံပြည်သူများ တက်ရောက်ကြသည်။

နေပြည်တော်၊ ဧပြီ - ၃၀

          ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၊ အမှတ်(၇) ရပ်ကွက် နေ စိုးနိုင်(ဘ)ဦးစောသည် ၂၀၂၁ ခုနှစ်၊ ဖေဖော်ဝါရီလမှ ၂၀၂၂ ခုနှစ်၊ ဖော်ဝါရီလ ၁၂ ရက်အတွင်း လှိုင်သာယာ(အနောက်ပိုင်း)မြို့နယ်အတွင်းပြုလုပ်သည့် ဆူပူဆန္ဒပြမှု များတွင် ကိုယ်တိုင်ပါဝင်ခြင်း၊ ပြည်ထောင်စုသမ္မတမြန်မာနိုင်ငံတော်၊ အကြမ်းဖက်မှု တိုက်ဖျက်ရေး ဗဟိုအဖွဲ့၏ အမိန့်ကြော်ငြာစာအမှတ်(၂/၂၀၂၁)ဖြင့် အကြမ်းဖက် အုပ်စုများအဖြစ် သတ်မှတ်ကြေညာထားသည့် အဖွဲ့အစည်းများနှင့် ဆက်သွယ်ခြင်း၊ လက်လုပ်မိုင်းများစမ်းသပ်ထုတ်လုပ်ပေးခြင်း၊ လက်နက်၊ ခဲယမ်းများသယ်ယူ ပို့ ဆောင်ပေးခြင်းကြောင့်လည်းကောင်း၊ လှိုင်သာယာ(အနောက်ပိုင်း)မြို့နယ်၊ အမှတ် (၁၈)ရပ်ကွက်နေ ကျော်ဝင်းထွဋ်(ခ)ကျော်ကြီး(ဘ)ဦးတက်နေဝင်း၊ အမှတ်(၁၆) ရပ်ကွက်နေ ဖြိုးကိုကို(ခ)ဖြိုးကို(ဘ)ဦးထွန်းမင်းနှင့် သက်ပိုင်ဦး(ခ)ပိုင်လေးတို့ ၃ ဦး သည် လှိုင်သာယာမြို့နယ်အတွင်းပြုလုပ်သည့် ဆူပူဆန္ဒပြမှုများတွင် ကိုယ်တိုင် ပါဝင်ခြင်း၊ လက်နက်များသိုဝှက်သိမ်းဆည်းခြင်း၊ တိုင်းရင်းသားလက်နက်ကိုင် အဖွဲ့ နယ်မြေအတွင်း၌ အကြမ်းဖက်သင်တန်းများတက်ရောက်ခဲ့ခြင်း တို့ကြောင့် လည်း ကောင်း၊ ရွှေပြည်သာမြို့နယ်၊ အမှတ်(၂၃)ရပ်ကွက်နေ ခိုင်ဝင်းစိုး(ခ)ထိန်လင်း(ခ) ကိုထက်(ဘ)ဦးမြင့်မောင်၊ ဘုန်းမြင့်ဝင်း(ခ)ဒင်္ဂါး(ခ)ကျော်ကြီး(ဘ)ဦးမောင်မောင်ထွေး၊ မျိုးဦး(ဘ)ဦးမျိုးညွန့်အောင်နှင့် မှော်ဘီမြို့နယ်၊ အုတ်စက်အလုပ်သမားဝန်းနေ ခိုင်ထွန်းဦး(ခ)စောမိုးဇက်(ခ)ချက်ကြီး(ဘ)ဦးစိန်ထွန်းရီတို့ ၄ ဦးသည် ၂၀၂၁ ခုနှစ်၊ ဖေဖော်ဝါရီလအတွင်း ရွှေပြည်သာမြို့နယ်အတွင်းပြုလုပ်သည့် ဆူပူဆန္ဒပြမှုများ တွင်ပါဝင်ခြင်း၊ ပြည်ထောင်စုသမ္မတမြန်မာနိုင်ငံတော်၊ အကြမ်းဖက်မှု တိုက်ဖျက် ရေးဗဟိုအဖွဲ့၏ အမိန့်ကြော်ငြာစာအမှတ်(၂/၂၀၂၁)ဖြင့် အကြမ်းဖက်အုပ်စုများ အဖြစ် သတ်မှတ်ကြေညာထားသည့် အဖွဲ့အစည်းများနှင့် ဆက်သွယ်ခြင်း၊ လက်နက်၊ ခဲယမ်းများ သိုဝှက်သိမ်းဆည်းပေးခြင်းနှင့် ပို့ဆောင်ပေးခြင်းများကြောင့် လည်းကောင်း၊ ဧရာဝတီတိုင်းဒေသကြီး၊ ပန်းတနော်မြို့နယ်၊ မိန်းမပြေးကျေးရွာနေ ကျော်ဇော(ခ)ဂြိုလ်သား(ဘ)ဦးထွန်းအောင်သည် ၂၀၂၁ ခုနှစ်၊ ဖေဖော်ဝါရီလမှ ၂၀၂၂ ခုနှစ်၊ မတ် ၈ ရက်အတွင်း မြောက်ဥက္ကလာပမြို့နယ်အတွင်းပြုလုပ်သည့် ဆူပူ ဆန္ဒပြမှုများတွင် ကိုယ်တိုင်ပါဝင်ခြင်း၊  ဖောက်ခွဲဖျက်ဆီးရေးလုပ်ငန်းများ လုပ်ကိုင် ရာတွင်အားပေးကူညီခြင်း တို့ကြောင့်လည်းကောင်း စစ်အုပ်ချုပ်ရေး(Martial Law) စစ်ခုံရုံးဖွဲ့၍ စစ်ဆေးမှုများဆောင်ရွက်ခဲ့ရာ အကြမ်းဖက်မှုတိုက်ဖျက်ရေးဥပဒေပုဒ်မ ၅၀(က)နှင့် ၅၀(ဈ)တို့အရ ၂၀၂၂ ခုနှစ်၊ ဧပြီ ၂၉ ရက်တွင် “ထောင်ဒဏ်တစ်သက်” ပြစ်ဒဏ် အသီးသီးအမိန့်ချမှတ်လိုက်ကြောင်း သိရှိရသည်။

နေပြည်တော်၊ ဧပြီ - ၃၀

          ဧရာဝတီတိုင်းဒေသကြီး၊ ပုသိမ်မြို့၊ အမှတ်(၆)ရပ်ကွက်၊ ဘန့်ဘွေးကုန်းလမ်းရှိ ဒေါ်ရင်ရင်(ခ) အားရင်စိန်(ဘ)ဦးရှောက်နယ်ပိုင်ဆိုင်သည့် ရွှေဒေါင်းအထည်နှင့် စတိုးဆိုင်၌ ယနေ့နံနက် ၁ နာရီ ၂၅ မိနစ်ခန့်တွင် ခြင်ဆေးထွန်းရာမှတစ်ဆင့် မီးလောင်ကျွမ်းမှုစတင် ဖြစ်ပွားခဲ့ရာ မြို့နယ်မီးသတ်တပ်ဖွဲ့ဝင်များက ရပ်ကွက်နေပြည်သူ များနှင့် ပူးပေါင်း၍ မီးသတ်ယာဉ် ၈  စီး၊ ရေသယ်ယာဉ် ၃ စီးတို့ဖြင့် ဝိုင်းဝန်းငြှိမ်းသတ် ခဲ့သဖြင့် နံနက် ၂ နာရီ ၈ မိနစ်ခန့်တွင် မီးငြိမ်းသွားခဲ့သည်။