မိုးသည်းထန်စွာရွာသွန်းမှုကြောင့် ကျေးရွာချင်းဆက်တံတား ပြိုကျပျက်စီးမှုနှင့် လမ်းပိတ်ဆို့မှုဖြစ်ပေါ်ခဲ့သည့်နေရာများအား ပြန်လည်ပြုပြင်ခြင်းနှင့် ကူညီကယ်ဆယ် ရေးလုပ်ငန်းများ ဆောင်ရွက်
နေပြည်တော်၊ ဩဂုတ် - ၉
ဧရာဝတီတိုင်းဒေသကြီး၊ ငရုတ်ကောင်းမြို့၊ ရေကျော်အုပ်စု၊ သင်္ကန်းကျေးရွာနှင့် မိုးတိမ်ပြင်ကျေးရွာအုပ်စု၊ ဆင်မှုံကျေးရွာတို့ကို ဆက်သွယ်ထားသော ကျေးရွာချင်း ဆက်သစ်တားတံတားသည် ဩဂုတ် ၆ ရက်တွင် မိုးသည်းထန်စွာရွာသွန်းပြီး တောင်ကျရေတိုက်စားမှုကြောင့် ပြိုကျပျက်စီးခဲ့ရာ ယနေ့တွင် အနောက်တောင်တိုင်း စစ်ဌာနချုပ်၊ နယ်မြေခံတပ်မတော်သားများနှင့် ဒေသခံပြည်သူများပူးပေါင်း၍ ပြန်လည် ပြုပြင်ဆောက်လုပ်ပေးခြင်းများ ဆောင်ရွက်ပေးခဲ့သည်။
