မြို့နယ်အချို့၌ လက်လုပ်သေနတ်များအား လုံခြုံရေးတပ်ဖွဲ့ဝင်များထံ လာရောက်အပ်နှံ

နေပြည်တော်၊ ဇွန် ၁၂

            တိုင်းဒေသကြီး/ ပြည်နယ်များရှိ မြို့နယ်အချို့မှ ပြည်သူ လူထုများက ၎င်းတို့ထံတွင်ရှိသော လက်လုပ်သေနတ်များအား လုံခြုံရေးတပ်ဖွဲ့ဝင်များထံ လာရောက် အပ်နှံခဲ့ကြောင်း သိရသည်။

              ထိုသို့အပ်နှံခဲ့ရာတွင် ဇွန်လ ၁၀ ရက်နေ့ နံနက် ၁၀ နာရီ ၁၅ မိနစ်ခန့်တွင် စစ်ကိုင်းတိုင်းဒေသကြီး၊ အရာတော်မြို့နယ်မှ တူမီးသေနတ် ၇ လက်၊ ပြုလုပ်ဆဲ တူမီးပြောင်း ၂ ခု၊ လက်လုပ်လေသေနတ် ၂၀ လက်၊ ပြုလုပ်ဆဲ ဒူးလေး ၁ လက်၊ ဂက်စ်သေနတ် ၉ လက်တို့အား လည်းကောင်း၊ နေ့လယ် ၁ နာရီခန့်တွင် ဧရာ၀တီတိုင်းဒေသကြီး၊ လပွတ္တာမြို့နယ်၊ လ/တောင် ကျေးရွာအုပ်စုမှ လက်လုပ်လေသေနတ် ၁ လက်အားလည်းကောင်း၊ နေ့လယ် ၃ နာရီ ခန့်တွင် မြန်အောင်မြို့နယ်၊ မြစ်ကျိုးကျေးရွာအုပ်စုနှင့် အိုးဘိုကျေးရွာအုပ်စုမှ လက်လုပ်လေသေနတ် ၃ လက်အားလည်းကောင်း၊ ညနေ ၄ နာရီခွဲခန့်တွင် မြောင်းမြမြို့နယ်၊ ရွာသစ်ကျေးရွာမှ လက်လုပ် လေသေနတ် ၂ လက်အားလည်းကောင်း၊ ညနေ ၅ နာရီခန့်တွင် ကချင်ပြည်နယ်၊ မိုးကောင်းမြို့နယ်၊ ကျွန်းတောရပ်ကွက်မှ လက်လုပ်လေသေနတ် ၁ လက်အား လည်းကောင်း၊ ညနေ ၅ နာရီ ၄၅ မိနစ် ခန့်တွင် ဧရာ၀တီတိုင်းဒေသကြီး၊ အင်္ဂပူမြို့နယ်၊ ပန်းတင်ကျေးရွာမှ လေသေနတ် ၂ လက်၊ ဒူးလေး ၁ လက်၊ မြှား ၁ ချောင်း၊ လေအိုးနှင့် ကော်ပိုက် ၃ ချောင်းတို့အားလည်းကောင်း၊ ဇွန်လ ၁၂ ရက်နေ့ နံနက် ၁၁ နာရီခန့်တွင် ဂန့်ဂေါမြို့နယ်၊ စကားကျေးရွာမှ လက်လုပ်တူမီးသေနတ် ၂ လက်၊ လုပ်လက်စတူမီးသေနတ် ၂ လက်၊ လက်လုပ်ဂက်စ်သေနတ် ၁ လက်တို့အားလည်းကောင်း လုံခြုံရေး တပ်ဖွဲ့ဝင်များထံ အသီးသီးလာရောက်အပ်နှံခဲ့ကြောင်း သိရသည်။

          ထိုကဲ့သို့ ပြည်သူလူထုက လာရောက်အပ်နှံသော လက်လုပ် သေနတ်များအား လုံခြုံရေးတပ်ဖွဲ့ဝင်များက စနစ်တကျ လက်ခံရယူခဲ့ပြီး သိမ်းဆည်းထားရှိကြောင်း သတင်းရရှိသည်။

ရွှေပြည်သာမြို့နယ်၊ ဒဂုံမြို့သစ်(တောင်ပိုင်း)မြို့နယ်နှင့် မြောက်ဉက္ကလာပမြို့နယ်တို့၌ ဆူပူအောင်ဟစ်ကြိမ်းမောင်းမှု၊ မော်တော်ယာဉ် မီးရှို့မှုနှင့် ပြည်သူပိုင်ပစ္စည်းများ ဖျက်ဆီးခဲ့သူများအား ပြစ်ဒဏ်အသီးသီးချမှတ်

နေပြည်တော်၊ ဇွန် - ၁၂

          ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၈)ရပ်ကွက်၊ သီတာ(၃)လမ်း ရှိ မ/၆၄(ခ)နေ ဦးသိန်းအေး နှင့် ဒေါ်လှလှဝင်း တို့၏ နေအိမ်ရှေ့၌ မတ် ၁၃ ရက်မှ ၁၅ ရက်အထိ ညွန့်လွင်(ခ) မောင်ညွန့်(ဘ)ဦးအေး၊ နီလာစိမ်း(ဘ)ဦးရွှေလင်း၊ ဖြိုးဝေ(ခ) ဖြိုးဝေလွင်(ဘ)ဦးညွန့်လွင်၊ ပပဝင်း(ခ)ဖြိုးပပသိန်း(ဘ)ဦးသောင်းညွန့်၊ ညီညီ(ဘ) ဦးမြင့်လွင်၊ ငပိန်(ခ)အာကာလင်း (ဘ)ဦးကိုသန်းတင်၊ ထွန်းကြည်(ဘ)ဦးခင်မောင်၊ ကြည်သာဦး(ဘ)ဦးထွန်းကြည်၊ ခင်အောင်(ဘ)ဦးအောင်ညွန့်၊ သီဟကို(ဘ) ဦးအောင်မျိုးဦး နှင့် ဇော်ထူး(ဘ)ဦးဇော်နိုင် တို့က ဆူပူအော်ဟစ်ကြိမ်းမောင်းပြီး အများ ပြည်သူကို ထိတ်လန့်စေမှုပြုခဲ့သည့်အတွက် စစ်အုပ်ချုပ်ရေး(Martial Law)စစ်ခုံရုံး ဖွဲ့၍ စစ်ဆေးမှုများ ဆောင်ရွက်ခဲ့ရာ ရာဇသတ်ကြီးပုဒ်မ - ၄၅၂ အရ ၎င်းအား ဇွန် ၁၁ ရက်တွင် “ အလုပ်နှင့်ထောင်ဒဏ်(၇)နှစ်” အမိန့်ချမှတ်ခဲ့သည်။

မြို့နယ်အချို့၌ အကြမ်းဖက်မှုလုပ်ရပ်များတွင် အသုံးပြုမည့် လက်နက်၊ ပစ္စည်း၊ ကိရိယာများနှင့် သိုဝှက်သိမ်းဆည်းထားရှိသူများအား ဆက်လက်ဖော်ထုတ်ဖမ်းဆီးရမိ

နေပြည်တော်၊ ဇွန် ၁၁            

             မြို့နယ်အချို့၌ အကြမ်းဖက်မှုလုပ်ရပ်များတွင် အသုံးပြုမည့် လက်နက်၊ ပစ္စည်း၊ ကိရိယာ များနှင့် သိုဝှက်သိမ်းဆည်းထားရှိသူများအား ဆက်လက်ဖော်ထုတ်ဖမ်းဆီးရမိခဲ့ကြောင်း သိရသည်။

အနန္တောအနန္တဂိုဏ်းဝင် ဆရာ၊ ဆရာမ များ၏ နာသုံးနာ လက်ကိုင်ထား၍ ကျောင်းသား၊ကျေိာင်းသူများအပေါ် မိဘသဖွယ်စိတ်ဓာတ်ဖြင့် သင်ကြားရေးတာဝန်ထမ်းဆောင်နေမှုအား အသိအမှတ်ပြုသတင်းထုတ်ပြန်ခြင်း

နေပြည်တော်၊ ဇွန် - ၁၁