လေးကေ့ကော်မြို့သစ်၊ ထီးမယ်ဝါးခီးနှင့် မယ်ထော်သလေးတစ်ဝိုက် ခိုအောင်း နေထိုင်၍ အကြမ်းဖက်လုပ်ရပ်များ လုပ်ဆောင်နေသည့် CRPH၊ NUG နှင့် PDF အမည်ခံ အကြမ်းဖက်သမားများအား ဖော်ထုတ်ဖမ်းဆီးရေး ဆောင်ရွက်မှုနှင့် ပတ်သက်၍ သတင်းထုတ်ပြန်ချက်
နေပြည်တော်၊ ဒီဇင်ဘာ - ၃၀
တပ်မတော်အနေဖြင့် ၂၀၁၅ ခုနှစ်အောက်တိုဘာ ၁၅ ရက်တွင် NCA လက်မှတ် ရေးထိုးပြီးချိန်မှစတင်၍ NCA သဘောတူညီချက်ပါအချက်များကို လေးစားလိုက်နာ၍ ထာဝရ ငြိမ်းချမ်းရေးရရှိရန်အတွက်ကြိုးပမ်းဆောင်ရွက်လျက်ရှိသည်။ တပ်မတော်ကာကွယ်ရေး ဦးစီးချုပ် အနေဖြင့်လည်း ငြိမ်းချမ်းရေးနှင့်ပတ်သက်သည့် အစည်းအဝေးများ၊ ဆွေးနွေး ပွဲများနှင့် အခမ်းအနားများ၌ “နိုင်ငံတော်နှင့်ပြည်သူတို့လိုအပ်လျက်ရှိသည့် ထာဝရ ငြိမ်းချမ်းရေး ရရှိအောင်ဆောင်ရွက်ရာတွင် တပ်မတော်အနေဖြင့် တစ်နိုင်ငံလုံးပစ်ခတ် တိုက်ခိုက်မှု ရပ်စဲရေးသဘောတူစာချုပ် (NCA)ပါအတိုင်း တိကျစွာလိုက်နာသွားမည်” ဖြစ်ကြောင်း သဘောထားထုတ်ပြန်ပြီးဖြစ်သည်။ ထို့ပြင် နိုင်ငံတော်စီမံအုပ်ချုပ်ရေး ကောင်စီ၏ ရှေ့လုပ်ငန်းစဉ် ၅ ရပ်နှင့် ဦးတည်ချက် ၉ ရပ်တို့တွင်လည်း ငြိမ်းချမ်းရေးကို ဦးစားပေး လုပ်ငန်းအဖြစ်ချမှတ်၍ အကောင်အထည်ဖော် ဆောင်ရွက်လျက်ရှိသည်။ ထိုသို့ ဆောင်ရွက် လျက်ရှိသော်လည်း အချို့သော တိုင်းရင်းသားလက်နက်ကိုင်အဖွဲ့အစည်းများ အနေဖြင့် လက်ရှိဖြစ်ပေါ်နေသော နိုင်ငံရေးအခြေအနေကို အခွင့်ကောင်းယူကာ NCA သဘောတူညီချက်များအား လက်တစ်လုံးခြားပြုလုပ်ကာ နည်းမျိုးစုံဖြင့် ချိုးဖောက် လျက်ရှိကြောင်းတွေ့ရှိရသည်။
