မကွေးတိုင်းဒေသကြီး၊ ရေစကြိုမြို့နယ်အတွင်း PDF အကြမ်းဖက်သမားများမှ ဒေသခံ ကျေးရွာ များရှိ အပြစ်မဲ့ပြည်သူများအား ဒလန်ဟုစွပ်စွဲ၍ အကြမ်းဖက်သတ်ဖြတ်ခြင်းနှင့် လူနေအိမ် များအား မီးရှို့ဖျက်ဆီးခြင်း
၂၀၂၂ မတ် ၁၄
၂၀၂၂ခုနှစ်၊ မတ်လ ၁၃ ရက်နေ့ နေ့လည် ၁၁ နာရီခွဲ အချိန်ခန့်တွင် မကွေးတိုင်းဒေသကြီး၊ ရေစကြိုမြို့နယ်၊ စည်သာကျေးရွာအုပ်စု၊ ဂွေးချိုကျေးရွာနေ၊ စည်သာကျေးရွာအုပ်စု အုပ်ချုပ် ရေးမှူး ဦးဝေလွင်၏ နေအိမ်သို့ PDF အကြမ်းဖက်သမား ၂၀ ဦးခန့်မှ ရောက်ရှိလာပြီး သေနတ် များပစ်ဖောက်၍ နေအိမ်အတွင်းသို့ ဝင်ရောက်ရှာဖွေခဲ့ရာ လူတစ်ဦးယောက်မှ မတွေ့ရှိရသဖြင့် နေအိမ်အား မီးရှို့ဖျက်ဆီးခဲ့ပြီး ပြန်လည်ထွက်ခွာသွားခဲ့ကြောင်း ဒေသခံပြည်သူတစ်ဦးမှ သတင်း ပေးပို့ခဲ့သည်။ လုံခြုံရေးပူးပေါင်းအဖွဲ့များက သတင်းအရ မီးလောင်ရာနေရာသို့ မြို့နယ်မီးသတ် တပ်ဖွဲ့ဝင်များနှင့် သွားရောက်၍ ဝိုင်းဝန်မီးငြိမ်း သတ်ပေးခဲ့ရာ PDF အကြမ်းဖက်သမားများ၏ မီးရှို့ဖျက်ဆီးမှုကြောင့် ကျေးရွာရှိ လူနေအိမ် ၁၇ လုံး မီးလောင်ပျက်စီးခဲ့ရကြောင်း သိရသည်။
