news

နေပြည်တော်၊ ဧပြီ - ၃

          နိုင်ငံရေးအစွန်းရောက် အကြမ်းဖက်သမားများအနေဖြင့် နိုင်ငံတော်အတွင်း တည်ငြိမ်အေးချမ်းမှု ပျက်ပြားစေရန်နှင့် ပြည်သူလူထုအကြား စိုးရိမ်ထိတ်လန့်မှု ဖြစ်ပေါ်လာစေရန် ရည်ရွယ်၍ ဌာနဆိုင်ရာ အဆောက်အဦများ၊ လမ်းတံတားများနှင့် စာသင်ကျောင်းများအား မိုင်းထောင်ဖောက်ခွဲဖျက်ဆီးခြင်း၊ ဆရာ၊ ဆရာမများ အပါအဝင် နိုင်ငံ့ဝန်ထမ်းများအား ရက်စက်စွာ  လုပ်ကြံသတ်ဖြတ်ခြင်းများ ပြုလုပ် လျက်ရှိသည့်အပြင် ဗုဒ္ဓဘာသာဝင်မြန်မာလူမျိုးများ၏ အထွဋ်အမြတ်ထားရာ သာသနာပိုင်အဆောက်အဦများကိုပါ အကြမ်းဖက်ပစ်ခတ်တိုက်ခိုက်ခြင်း၊ မိုင်းထောင် ဖောက်ခွဲခြင်းနှင့် ရဟန်းသံဃာတော်များအား  ဖမ်းဆီးခေါ်ဆောင်ခြင်း၊ လုပ်ကြံ သတ်ဖြတ်ခြင်းများကို လုပ်ဆောင်လျက်ရှိသည်။

တိုင်းဒေသကြီးနှင့်ပြည်နယ်များ၌ ကိုဗစ်- ၁၉ ရောဂါ ကာကွယ်ဆေးများ ဆက်လက် ထိုးနှံ

နေပြည်တော်၊ ဧပြီ - ၂

          ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးဆောင်ရွက်ရာတွင် ကာကွယ်ဆေးထိုးနှံခြင်းသည် အဓိကအခန်းကဏ္ဍတွင် ပါဝင်သည့် လုပ်ငန်းတစ်ရပ် ဖြစ်သောကြောင့် တိုင်းဒေသကြီးနှင့် ပြည်နယ်အသီးသီးတို့၌ သံဃာတော်များ၊ သာသနာနွယ်ဝင်သီလရှင်များ၊ ဘာသာရေးခေါင်းဆောင်များအပါအဝင် လူမျိုးမရွေး ဘာသာမရွေး အသက် ၄၀ နှစ်နှင့်အထက် ဒေသခံပြည်သူများ၊ အကျဉ်းသား၊ အကျဉ်းသူများ၊ မသန်စွမ်းသူများ၊  တိုင်းရင်းသားလက်နက်ကိုင်အဖွဲ့များ၊ နာတာရှည် ရောဂါအခံရှိ သူများ၊ ကယ်ဆယ်ရေးစခန်းများ၊ ယာယီတိုက်ပွဲရှောင်စခန်းများအတွင်းရှိ ပြည်သူများ၊ အသက်(၁၂)နှစ်နှင့်အထက် အခြေခံပညာအလယ်တန်းနှင့် အထက်တန်း အဆင့် ကျောင်းသား၊ ကျောင်းသူများစသည့်  ဦးတည်အုပ်စုများသတ်မှတ်၍ တပ်မတော်မှ ဆေးအဖွဲ့များ၊ ပြည်သူ့ဆေးရုံများမှ ဆရာဝန်များ၊ သူနာပြုများ၊ ကျန်းမာရေးဝန်ထမ်းများနှင့် စေတနာ့ဝန်ထမ်းများက ကာကွယ်ဆေးထိုးခြင်း လုပ်ငန်းများကို အင်တိုက်အားတိုက် ဆောင်ရွက်ပေးလျက်ရှိသည်။

ကောလင်းမြို့၊ မြောက်အင်းရပ်ကွက်အတွင်းရှိ စာသင်ကျောင်းအား PDF အမည်ခံ အကြမ်းဖက် သမားများက ဆင်ခြင်တုံတရားမဲ့စွာ ဒေသန္တရလက်လုပ်ရီမိုင်းဖြင့်ဖောက်ခွဲ၊ ၄၀ မမ ဗုံးသီး များဖြင့် ပစ်ခတ်တိုက်ခိုက်

နေပြည်တော်၊ ဧပြီ - ၂

               စစ်ကိုင်းတိုင်းဒေသကြီး၊ ကောလင်းမြို့၊ မြောက်အင်းရပ်ကွက်အတွင်းရှိ အခြေခံ ပညာအလယ်တန်းကျောင်း(မြောက်အင်း)၏ မြောက်ဘက် မီတာ ၁၀၀ ခန့်အကွာ၌ PDF အမည်ခံ အကြမ်းဖက်သမားများက ‌မိုင်းထောင်ထားကြောင်းသိရှိရသဖြင့် ယနေ့ နံနက် ၉ နာရီ ၁၅ မိနစ်ခန့်တွင် လုံခြုံရေးတပ်ဖွဲ့ဝင်များက သွားရောက်စစ်ဆေးစဉ် အကြမ်းဖက် သမားများက ဒေသန္တရလက်လုပ်ရီမုမိုင်းဖြင့် ဖောက်ခွဲတိုက်ခိုက်ခဲ့ပြီး စာသင်ကျောင်းဝန်း အတွင်းသို့ လည်း ၄၀ မမ ဗုံးသီးများဖြင့် ပစ်ခတ်ခဲ့သည်။

နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ၊  ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း    

ရွေးကောက်ပွဲအတွက် မဲစာရင်းပြုစုရေးဆိုင်ရာ အစည်းအဝေးသို့ တက်ရောက်အမှာစကားပြောကြား

နေပြည်တော် ဧပြီ ၁

          ရွေးကောက်ပွဲအတွက် မဲစာရင်းပြုစုရေးဆိုင်ရာ အစည်းအဝေးကို ယနေ့ညနေပိုင်း တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ကျင်းပရာ နိုင်ငံ တော်စီမံ အုပ်ချုပ်ရေးကောင်စီ ဒုတိယဉက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီး စိုးဝင်း တက်ရောက်အမှာစကားပြောကြားသည်။

           အစည်းအဝေးသို့ရွေးကောက်ပွဲကော်မရှင်ဥက္ကဋ္ဌဦးသိန်းစိုး၊ ပြည်ထောင်စုဝန်ကြီးများ ဖြစ်ကြသည့် ဒုတိယဗိုလ်ချုပ်ကြီးစိုးထွဋ်၊ ဦးခင်ရီနှင့် ဒေါက်တာမျိုးသိန်းကျော်၊ ရွေးကောက်ပွဲ ကော်မရှင်အဖွဲ့ဝင် ဦးအောင်လွင်ဦး၊ ဒုတိယဝန်ကြီးများဖြစ်ကြသည့် ဦးဌေးလှိုင်၊ ဦးဇော်ဝင်း၊ ဦးအောင်ထွန်းခိုင်နှင့်နေပြည်တော် ကောင်စီဥက္ကဋ္ဌ ၊ တိုင်းဒေသကြီးနှင့်ပြည်နယ်များမှဝန်ကြီးချုပ်များက ဗီဒီယိုကွန်ဖရင့် စနစ်ဖြင့် တက်ရောက်ကြသည်။

          ဦးစွာ နိုင်ငံတော်စီမံအုပ်ချုပ်ရေးကောင်စီ ဒုတိယဉက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း က  ၂၀၂၃ ခုနှစ်တွင် ကျင်းပရန်ရည်ရွယ်ထားသည့် ရွေးကောက်ပွဲဆိုင်ရာကိစ္စရပ်များနှင့် စပ်လျဉ်း၍ ညှိနှိုင်းဆွေးနွေးသည့် အစည်းအဝေး ဖြစ်ကြောင်း၊ မတ်လ ၁၄ ရက်နှင့် ၂၅ ရက်တို့တွင် ပြည်ထောင်စုရွေးကောက်ပွဲကော်မရှင် အပါအဝင် သက်ဆိုင်ရာဝန်ကြီးဌာနများနှင့် နေပြည်တော်၌ အကြိုညှိနှိုင်းဆွေးနွေးခဲ့ ကြပြီးဖြစ်ကြောင်း၊ တပ်မတော်ပိုင်းဆိုင်ရာ ကူညီဆောင်ရွက်ရမည့်ကိစ္စရပ်များနှင့် ကြိုတင်စပ်လျဉ်း၍လည်း တာဝန်ရှိသူများနှင့် ညှိနှိုင်းဆွေးနွေးထားပြီး ဖြစ်ကြောင်း၊  ယခုအစည်းအဝေးတွင် တိုင်းဒေသကြီးနှင့် ပြည်နယ်များအလိုက် ဆောင်ရွက်ရမည့် ဆောင်ရွက်သင့်သည့်ကိစ္စရပ်များကိုလည်း အသိပေးလိုကြောင်း။

          နိုင်ငံတော်စီမံအုပ်ချုပ်ရေးကောင်စီ၏ရှေ့လုပ်ငန်းစဉ်(၅)ရပ်တွင် အရေးပေါ်ကာလ ဆိုင်ရာပြဌာန်းချက်များနှင့်အညီ ဆောင်ရွက်ပြီးစီးပါက ဖွဲ့စည်းပုံအခြေခံဥပဒေ (၂၀၀၈ ခုနှစ်) နှင့်အညီလွတ်လပ်ပြီးတရားမျှတသော ပါတီစုံဒီမိုကရေစီ အထွေထွေရွေးကောက်ပွဲအား ပြန်လည်ကျင်းပ၍အနိုင်ရသည့်ပါတီအား ဒီမိုကရေစီစံနှုန်းများနှင့်အညီ နိုင်ငံတာဝန်အား လွှဲအပ်နိုင်ရေး ဆက်လက်ဆောင်ရွက်သွားမည်ဟု ဖော်ပြပါရှိကြောင်း၊ လွတ်လပ်ပြီး တရားမျှတသည့်ရွေးကောက်ပွဲဖြစ်ရန် အခြေခံအားဖြင့် မဲပေးမည့်စာရင်းဇယားများတိကျ မှန်ကန်ရန် လိုအပ်ကြောင်း၊ ရွေးကောက်ပွဲကို အောင်မြင်စွာကျင်းပမည့် ပြည်ထောင်စု ရွေးကောက်ပွဲကော်မရှင်နှင့် တစ်နိုင်ငံလုံး၏ လူဦးရေစာရင်းကို ကိုင်တွယ်သည့် လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာနတို့၏ အခန်းကဏ္ဍသည် များစွာအရေးကြီး ပါကြောင်း၊ စာရင်းဇယား များတိကျခိုင်မာမှန်ကန်မှသာလျှင် မှန်ကန်သည့်ဆန္ဒမဲပေးနိုင်မည့် အနေအထားဖြစ်ပါကြောင်း၊ ဆန္ဒမဲ ပေးမည့် အကျုံးဝင်သူတိုင်းသည် နိုင်ငံသားစိစစ်ရေး ကတ်ပြား လက်ဝယ် ကိုင်ဆောင်ထားနိုင်ရေး၊ အမြဲနေထိုင်ရာနေရာဒေသတွင် ဆန္ဒမဲပေးနိုင် ရေးနှင့် နေထိုင်ကြောင်း အထောက်အထား ဖြစ်သည့် အိမ်ထောင်စုလူဦးရေစာရင်း လဝက ပုံစံ ၆၆/၆ ရှိရေးတို့ကို ဆန္ဒမဲပေးပိုင်ခွင့် ရှိသူတိုင်းသိရှိအောင် အသိပညာပေး ဆောင်ရွက်ကြရမည်ဖြစ်ကြောင်း။

၂၀၂၃ ခုနှစ်တွင် ကျင်းပရန်ရည်ရွယ်ထားသည့် ရွေးကောက်ပွဲသည် လွတ်လပ်သည့် တရားမျှတသည့်ရွေးကောက်ပွဲဖြစ်ရန် အခြေခံအားဖြင့် စာရင်းဇယားမှန်ကန်တိကျရန် အဓိကလိုအပ်ပါသဖြင့် စာရင်းဇယားများ တိကျမှန်ကန်စေရန် တိုင်းဒေသကြီးနှင့် ပြည်နယ်များ အနေဖြင့် ရွေးကောက်ပွဲကော်မရှင်အဆင့်ဆင့်၊ လူဝင်မှုကြီးကြပ်ရေးနှင့် ပြည်သူ့အင်အားဌာနများနှင့်ပေါင်းစပ်၍ ဆန္ဒမဲပေးပိုင်ခွင့်ရှိသူ တစ်ဦးချင်းစီတိုင်း နိုင်ငံသား စိစစ် ရေးကတ်ရှိမရှိ၊ လဝက ပုံစံ ၆၆/၆ ရှိ၊မရှိ တစ်အိမ်တက်တစ်အိမ်ဆင်းစိစစ် ဆောင်ရွက် သွားကြရ မည်ဖြစ်ကြောင်း၊ ထို့ကြောင့် မြေပြင်ကွင်းဆင်းတိုက်ဆိုင်စစ်ဆေးနိုင်ရေးအတွက် လူဝင်မှုကြီးကြပ်ရေးနှင့် ပြည်သူ့အင်အားဌာနရှိ တစ်နိုင်ငံလုံးထုတ်ပေးထားသည့် မှတ်ပုံတင်မှတ်တမ်းများကို မှတ်တမ်းစာအုပ်မှကွန်ပျူတာသို့ ပြောင်းနေပါကြောင်း၊ အဆိုပါ ကွန်ပျူတာသို့ စာရင်းသွင်းပြီးချိန်တွင် လဝက ပုံစံ ၆၆/၆ ကိုလည်း တစ်ပြိုင်နက် ကွန်ပျူတာ အတွင်း စာရင်းသွင်းလျက်ရှိပါကြောင်း၊ နိုင်ငံသားစိစစ်ရေးကတ်စာရင်း နှင့် လဝက ပုံစံ ၆၆/၆ များကွန်ပျူတာအတွင်းရရှိ ပြီးပါက သက်ဆိုင်ရာ တိုင်းဒေသကြီး နှင့် ပြည်နယ်များရှိ မြို့နယ်များသို့ ပူးပေါင်းအဖွဲ့များဖြင့် ရွေးကောက်ပွဲကျင်းပရန် ရည်ရွယ်ထားသည့် ၂၀၂၃ ခုနှစ်မတိုင်မီ မြေပြင်စာရင်း မှန်ကန်မှုရှိ၊မရှိ ပြီးစီးအောင်တိုက်ဆိုင် စစ်ဆေးဆောင်ရွက် သွားကြရမည် ဖြစ်ကြောင်း။

          ၂၀၂၀ ပြည့်နှစ်အထွေထွေရွေးကောက်ပွဲတွင် အိမ်ထောင်စုလူဦးရေစာရင်းအား လဝက ပုံစံ ၆၆/၆ ၊ နိုင်ငံသားစိစစ်ရေးကတ် စသည်တို့နှင့် မြေပြင်တိုက်ဆိုင်စစ်ဆေး နိုင်မှုမရှိ ဘဲ ရှိ/ကောက် စနစ်ဆောင်ရွက်ခဲ့၍ မဲမသမာမှုများ အမြောက်အမြားဖြစ်ပေါ်ခဲ့ကြောင်း၊ နိုင်ငံသား တစ်ဦးလျှင် နိုင်ငံသားစိစစ်ရေးကတ်တစ်ခုသာ တရားဝင်ကိုင်ဆောင်ခွင့် ရှိသဖြင့် နိုင်ငံသားစိစစ်ရေးကတ်များ မှန်၊ မမှန် ကြပ်မတ်စိစစ်ဆောင်ရွက်ကြရမည်ဖြစ်ပြီး တရားမဝင်ကတ်များကို ပယ်ဖျက်ကြရမည်ဖြစ်ကြောင်း၊  အလားတူ ပုံစံ ၆၆/၆  များကို လည်း စိစစ်ကြရမည်ဖြစ်ကြောင်း၊ သို့မှသာ ဆန္ဒမဲပေးရာတွင် သန့်ရှင်းလွတ်လပ်၍ တရားမျှတမည်ဖြစ်ကြောင်း။

          လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ တစ်နိုင်ငံလုံး မှတ်ပုံတင်ထုတ်ပေးထားသည့် စာရင်းမှာ  ၅၁ သန်းကျော်ထုတ်ပေးပြီးဖြစ်ကြောင်း၊ အဆိုပါ ထုတ်ပေးပြီးစာရင်းတွင် သေဆုံးသူများ၊ ပြည်ပသို့ထွက်ခွာသွားသူများ၊ ပျက်စီး၊ ပျောက်ဆုံး နှင့် နှစ်ကြိမ် သုံးကြိမ်ထပ်သူများလည်း ပါဝင် နေမှာဖြစ်ကြောင်း၊ သက်ဆိုင်ဝန်ကြီး ဌာနလုပ်အားဖြင့် ကွန်ပျူတာသို့ စာရင်းသွင်းရာတွင် ယခုထိ ၂၇ သန်းကျော်ပြီးစီးပါကြောင်း၊ စာရင်းရေးသွင်းကျန်အရေ အတွက်သည် ၂၄ သန်းကျော် ရှိနေသေးကြောင်း၊ အဆိုပါ ကျန်ရှိသည့်အရေအတွက်ကို ကွန်ပျူတာ အတွင်းအချိန်မီရိုက်သွင်းကြရမည်ဖြစ်ကြောင်း၊ ဝန်ကြီးဌာန(၁)ခုထဲအင်အားဖြင့် ကွန်ပျူတာ သို့ စာရင်းသွင်းပါက ၂၀၂၃ ခုနှစ် ရွေးကောက်ပွဲ အတွက် အချိန်မီပြီးစီရန် ကြိုးပမ်းလျက် ရှိသဖြင့် အချိန်မီရိုက်သွင်းနိုင်ရန် နေပြည်တော် ကောင်စီ၊ တိုင်းဒေသကြီးနှင့် ပြည်နယ်ဝန်ကြီးချုပ်များအနေဖြင့် မိမိတို့ နယ်မြေအလိုက် ၂ လအတွင်းအချိန်မီပြီးစီးနိုင်ရေး စီမံဆောင်ရွက်ကြရန်မှာကြားလိုကြောင်း၊ နိုင်ငံသား စိစစ်ရေးကတ် နှင့် လဝက ပုံစံ ၆၆/၆ တို့၏ ကွန်ပျူတာ စာရင်းသွင်းခြင်းလုပ်ငန်းပြီးဆုံးပါက  နေပြည်တော်ကောင်စီ၊ တိုင်းဒေသကြီးနှင့် ပြည်နယ်များရှိ ခရိုင်၊ မြို့နယ်၊ ရပ်ကွက်နှင့် ကျေးရွာ အဆင့်အထိ တစ်အိမ်တက် တစ်အိမ်ဆင်းတိုက်ဆိုင်စစ်ဆေးဆောင်ရွက်သွားကြ ရမည်ဖြစ်ကြောင်း၊ လုပ်ငန်းပမာဏသည်များစွာ ကျယ်ပြန့်ပါကြောင်း၊ အချိန်များစွာ  ရယူဆောင်ရွက်မည် ဖြစ်ကြောင်း၊ ထို့ကြောင့် ကျန်ရှိနေသည့် စာရင်းဇယားများအား ကွန်ပျူတာအတွင်း အမြန်ဆုံးဖြည့်သွင်း ရမည်ဖြစ်ကြောင်း၊ ထို့ကြောင့် ကြိုတင် ဖြန့်ဝေပေးထားသည့် တိုင်းဒေသကြီးနှင့် ပြည်နယ်အစိုးရအဖွဲ့အလိုက် စာရင်းဇယားများ အား အမြန်ဆုံးဖြည်သွင်နိုင်ရေး အတွက် ကျွမ်းကျင်ပညာရှင်များနှင့်ပေါင်းစပ်၍ အမြန်ဆုံးရေးသွင်းနိုင်ရေးနှင့် ဝန်ကြီးဌာန၏ Sever အတွင်းရောက်ရှိရေးအတွက် အားလုံးကြိုးပမ်းဆောင်ရွက်သွား ကြရမည်ဖြစ်ကြောင်း၊ ၂၀၂၃ခုနှစ်အတွင်းကျင်းပမည့် လွတ်လပ်ပြီး တရားမျှတသည့်ရွေးကောက်ပွဲ ဖြစ်စေရေးအတွက် ရွေးကောက်ပွဲဆိုင်ရာ အချက်အလက်များ နှင့် ပြဌာန်းချက်များကို အားလုံးသိရှိ လိုက်နာနိုင်ရေး သက်ဆိုင်ရာ အဖွဲ့အစည်းများနှင့်ပေါင်းစပ်၍ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ကြောင်း ပြောကြားသည်၊၊

          ထို့နောက် အစည်းအဝေးတက်ရောက်လာကြသူများက ရွေးကောက်ပွဲဆိုင်ရာ ပြဌာန်းချက်များ၊ မဲစာရင်းများမှန်ကန်ရေးအတွက် သက်ဆိုင်ရာကဏ္ဍများအလိုက် လုပ်ငန်း ဆောင်ရွက်နေမှုများနှင့် စာရင်းဇယားအချက်အလက်များ ဖြည့်သွင်းခြင်းအတွက် Working Group များချိတ်ဆက်ဆောင်ရွက်မည့်ပုံစံများကိုဆွေးနွေးတင်ပြကြရာ နိုင်ငံတော်စီမံ အုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ်က လိုအပ်သည်များဖြည့်စွက် ဆွေးနွေးပြောကြားသည်။

          ယင်းနောက် နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက နိုဂုံးချုပ်အမှာစကားပြောကြားပြီး အစည်းအဝေးကို ရုတ်သိမ်းခဲ့ကြောင်း သတင်းရရှိသည်။