ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၌ ကမ္ဘောဇဘဏ်ငွေသိမ်းယာဉ်ပေါ်မှ ငွေကျပ်သိန်း ၃၀၀၀ လုယက်မှုကျူးလွန်ခဲ့သူများအား သက်သေခံပစ္စည်းများနှင့်အတူ ဖော်ထုတ်ဖမ်းဆီး
နေပြည်တော်၊ မေလ ၂၁
၂၀၂၂ ခုနှစ်၊ မေလ ၁၃ ရက်နေ့ မွန်းလွဲ ၂ နာရီ ၅၀ မိနစ်အချိန်တွင် ကမ္ဘောဇဘဏ်မှ ဝန်ထမ်း ၃ ဦးလိုက်ပါလာသည့် ဘဏ်ငွေသိမ်းယာဉ်သည် ရန်ကုန်မြို့အတွင်းရှိ ကမ္ဘောဇဘဏ်ခွဲ များမှ ငွေများအား လိုက်လံသိမ်းဆည်းခဲ့ပြီး ဒဂုံမြို့သစ်(မြောက်ပိုင်း)မြို့နယ်၊ အမှတ်(၃၂)ရပ်ကွက်၊ ပင်လုံလမ်းနှင့် နဝဒေးလမ်းထောင့်ရှိ ကမ္ဘောဇဘဏ်ခွဲ(၁)ရှေ့အရောက်တွင် ယာဉ်အား ရပ်တန့်ကာ မော်တော်ယာဉ်၏နောက်တံခါးအား ဖွင့်နေစဉ် နောက်မှ လိုက်ပါလာသည့် YGN 5H/4572 Probox ယာဉ်ပေါ်မှ အမျိုးသား ၃ ဦးဆင်းလာပြီး ဘဏ်ဝန်ထမ်း ၁ ဦးအား ဓားဖြင့် ခြိမ်းခြောက်ကာ ငွေသိမ်း ယာဉ်ပေါ်မှ ပီနံအိတ် ၄ လုံးဖြင့် ထည့်ထားသည့် ငွေကျပ်သိန်း ၃၀၀၀ အား လုယက်ခဲ့သည့် ဖြစ်စဉ် ဖြစ်ပွားခဲ့သဖြင့် ပြစ်မှုကျူးလွန်သူများအား ဖော်ထုတ်ဖမ်းဆီးရမိနိုင်ရေး ဒဂုံမြို့သစ်(မြောက်ပိုင်း) မြို့နယ်၊ မြို့မရဲစခန်း၌ အမှုဖွင့်လှစ်ကာ စုံစမ်းစစ်ဆေးခြင်းများ ဆောင်ရွက်ခဲ့သည်။
