နေပြည်တော်၊ ဖေဖော်ဝါရီ - ၂၆
ဖေဖော်ဝါရီ ၂၀ ရက်နှင့် ၂၁ ရက်နေ့များမှစ၍ တိုင်းဒေသကြီး နှင့် ပြည်နယ် အသီးသီးရှိ မြို့နယ်များ၌ ဖေဖော်ဝါရီ ၂၂ ရက်တွင်ဈေးများ၊ စတိုးဆိုင်ခန်းများအားလုံး ဖွင့်လှစ် ရောင်းချခြင်း မပြုရန်ခြိမ်းခြောက်အကြပ်ကိုင်သည့် ကောလာဟလသတင်းများ ထွက်ပေါ် ခဲ့ပါသည်။ ထိုသို့ ကောလာဟလသတင်းများ ထွက်ပေါ်ခဲ့သော်လည်း နိုင်ငံ တစ်ဝန်းလုံး မြို့နယ်အသီးသီးရှိ ဈေးများ၊ စတိုးဆိုင်ခန်းများမှာမိမိတို့၏ မိသားစု စားဝတ်နေရေးအတွက် ပုံမှန်အတိုင်း အေးချမ်းစွာ ရောင်းဝယ်ဖောက်ကားလျက်ရှိကြသည်။
နေပြည်တော်၊ ဖေဖော်ဝါရီ - ၂၆
တပ်မတော်အနေဖြင့် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့တွင် ဖွဲ့စည်းပုံအခြေခံ ဥပဒေ(၂၀၀၈ ခုနှစ်)နှင့်အညီ နိုင်ငံတော်၏ တာဝန်အရပ်ရပ်အား အရေးပေါ်ကာလ ပြဋ္ဌာန်းချက်ပါအတိုင်း ခေတ္တထိန်းသိမ်းပြီး နိုင်ငံတော်စီမံအုပ်ချုပ်ရေးကောင်စီကို ဖွဲ့စည်း၍ နိုင်ငံတော်၏ နိုင်ငံရေး၊ စီးပွားရေး၊ လူမှုရေး စသည့် ဘက်စုံမှတိုးတက်ကောင်းမွန်လာစေရေး ဆောင်ရွက်လျက်ရှိသည့်အပေါ် နိုင်ငံတစ်ဝန်းတပ်မတော်ထောက်ခံပွဲကို ကျင်းပဆောင်ရွက် လျက်ရှိသည်။ ဖေဖော်ဝါရီလ ၂၃ ရက်တွင် မကွေးတိုင်းဒေသကြီး၊ မြိုင်မြို့၌ ပြုလုပ်ခဲ့ရာ မြိုင်မြို့နယ်၊ ကျက်စားကျေးရွာနေသူအချို့က ပါဝင်တက်ရောက်ခဲ့ကြသည်။
နေပြည်တော်၊ ဖေဖော်ဝါရီ - ၂၆
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ၏ လမ်းညွှန်ချက်အရ မလေးရှားနိုင်ငံရောက် မြန်မာနိုင်ငံသား ၁၀၈၆ ဦးအား ပြန်လည်ခေါ်ဆောင်လာသော တပ်မတော်စစ်ရေယာဉ်များသည် ၂၀၂၁ ခုနှစ်၊ ဖေဖော်ဝါရီလ ၂၅ ရက်တွင် မြန်မာ့ရေပိုင်နက်အတွင်း ရောက်ရှိခဲ့ပြီး မလေးရှားနိုင်ငံ သို့ အသွား/အပြန် ရေမိုင်ပေါင်း ၁၈၀၀ မိုင် ခုတ်မောင်းခဲ့ကာ ရန်ကုန်ဆိပ်ကမ်းသို့ ဆိုက်ကပ် ပို့ဆောင်နိုင်ရေး ဆက်လက်ခုတ်မောင်းလျက်ရှိသည်။
နေပြည်တော်၊ ဖေဖော်ဝါရီ - ၂၆
စစ်ကိုင်းတိုင်းဒေသကြီး၊ ရွှေဘိုမြို့ ပြည်သူ့ဆေးရုံမှ ဆေးရုံအုပ်ကြီး ဒေါက်တာ စောသက်လျာအောင် ဦးစီး ဆရာဝန်၊ သူနာပြုများနှင့် ကျန်းမာရေးဝန်ထမ်းစုစုပေါင်း ၁၆၅ ဦးခန့်သည် ဖေဖော်ဝါရီ ၆ ရက်နေ့မှစ၍ ဒေသခံပြည်သူများ၏ ကျန်းမာရေး စောင့်ရှောက်မှု လုပ်ငန်းများကို ဆောင်ရွက်ခြင်းမပြုဘဲ CDM တွင်ပါဝင်ပြီး တစ်ပြိုင်တည်းခွင့်တင်၍ ဆေးရုံမှ ထွက်ခွာသွားကြောင်း သိရသည်။
နေပြည်တော်၊ ဖေဖော်ဝါရီ - ၂၆
မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ်ဆေးရုံ၊ ဟံဇားတိုက်နယ် ဆေးရုံ၊ ယင်းမာပင်တိုက်နယ်ဆေးရုံနှင့် သပိတ်ကျင်းမြို့နယ်၊ တကောင်းမြို့ ပြည်သူ့ဆေးရုံနှင့် ပဲခူးတိုင်းဒေသကြီး၊ ကျောက်တံခါးမြို့နယ်၊ ကျောက်တံခါး ပြည်သူ့ဆေးရုံ၊ ရွှေကျင်မြို့နယ်၊ ဒုံဇရစ်ကျေးရွာ တိုက်နယ်ဆေးရုံနှင့် ရှမ်းပြည်နယ်(မြောက်ပိုင်း)၊ မန်တုံပြည်သူ့ဆေးရုံတို့ရှိ ဝန်ထမ်းများနှင့်လူနာရှင်များက နယ်မြေခံတပ်ရှိ တပ်မတော်ဆေးရုံမှ ဆရာဝန်များနှင့် သူနာပြုများ လာရောက်ကုသပေးနိုင်ပါရန် အကူအညီတောင်းခံမှုကြောင့် သက်ဆိုင်ရာ တိုင်းစစ်ဌာနချုပ်များမှ တပ်နယ်များအလိုက် တပ်မတော်ဆေးရုံမှ၊ တပ်မတော်သားပါရဂူများ၊ ဆရာဝန်များနှင့်သူနာပြုများပါဝင်သော ဆေးကုသရေးအဖွဲ့အား စေလွှတ်၍ ရောဂါဝေဒနာ ခံစားနေရသည့်ဒေသခံပြည်သူများကို လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိသည်။
နေပြည်တော်၊ ဖေဖော်ဝါရီ - ၂၆
ရခိုင်ပြည်နယ်အတွင်းရှိ တိုက်ပွဲရှောင်ပြည်သူများ ၎င်းတို့၏နေရပ်ဒေသအသီးသီးသို့ ပြန်လည်နေထိုင်နိုင်ရေးအတွက် ယနေ့တွင် အနောက်ပိုင်းတိုင်းစစ်ဌာနချုပ် နယ်မြေခံ တပ်မတော်သားများက မိုင်းရှင်းလင်းရေးလုပ်ငန်းများ ဆက်လက်ဆောင်ရွက်ပေးသည်။
နေပြည်တော် ဖေဖော်ဝါရီ ၂၆
ပြည်ထောင်စုရွေးကောက်ပွဲကော်မရှင်နှင့် နိုင်ငံရေးပါတီများ တွေ့ဆုံညှိနှိုင်းအစည်းအဝေးကို ယနေ့ နံနက် ၉ နာရီတွင် နေပြည်တော်ရှိ ပြည်ထောင်စုရွေးကောက်ပွဲကော်မရှင်ရုံး အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသိန်းစိုးနှင့် ကော်မရှင်အဖွဲ့ဝင်များ၊ ကော်မရှင်ရုံးမှ တာဝန်ရှိသူများနှင့် နိုင်ငံရေးပါတီ ၅၃ ပါတီမှ တာဝန်ရှိသူများတက်ရောက်ခဲ့ကြသည်။
သတင်းထုတ်ပြန်ခြင်း
၂၀၂၁ ခုနှစ်၊ ဖေဖော်ဝါရီလ ၂၆ ရက်နေ့၊ နံနက် ၈ နာရီခန့်တွင် စမ်းချောင်းမြို့နယ်၊ မြေနီကုန်း ကုန်းကျော်တံတားအောက်တွင် လူစုလူဝေးအင်အား ၃၀၀၀ ကျော်ခန့်နှင့် ကမာရွတ်မြို့နယ်၊ လှည်းတန်းလမ်းဆုံတွင် လူစုလူဝေးအင်အား ၃၀၀၀ ကျော်ခန့်တို့သည် ဆူပူဆန္ဒပြနေကြကြောင်း သတင်းရရှိခဲ့ပါသည်။ ထိုသို့ စုဝေးဆန္ဒပြမှုများအပေါ်မူတည်၍ အုပ်ချုပ်မှုဆိုင်ရာတာဝန်ရှိသူများ၊ လုံခြုံရေး တပ်ဖွဲ့ဝင်များမှ သွားရောက်ကာ ထုတ်ပြန်ထားရှိသော အမိန့်ညွှန်ကြားချက်များနှင့်အညီ လူစုခွဲရန် အကြိမ်ကြိမ် သတိပေးပြောဆိုခဲ့သော်လည်း လိုက်နာမှုမရှိဘဲ ကြွေးကြော်သံအမျိုးမျိုး အော်ဟစ်ကာ ဆက်လက်ဆူပူဆန္ဒပြနေသည်ကို တွေ့ရှိရပါသည်။
သတင်းထုတ်ပြန်ခြင်း
၂၀၂၁ ခုနှစ်၊ ဖေဖော်ဝါရီလ ၂၆ ရက်နေ့၊ နေ့လည် ၁ နာရီခွဲ အချိန်တွင် ပြည်ထောင်စုနယ်မြေ၊ နေပြည်တော်၊ ပျဉ်းမနား၊ ယုဇနလမ်းသွယ်တွင် လူစုလူဝေးပြုလုပ်ကာ လမ်းအချို့အား အကာအရံ အတားအဆီးများဖြင့် ပိတ်ဆို့ခြင်း၊ ပလပ်စတစ်ပုံးကြီးများအား ထက်ခြမ်း ခြမ်း၍ ရဲတပ်ဖွဲ့သုံး (ဒိုင်း)ကြီးများသဖွယ်ပြုလုပ်ပြီး တုတ်/ ဓား ကိုင်ဆောင်ထားသူ ၂၅၀ ကျော်ခန့်မှာ ထိုင်သပိတ် ပြုလုပ်၍ ကြွေးကြော်သံများဖြင့် အော်ဟစ်ဆူပူလူစုလူဝေးပြုလုပ်နေကြောင်း သတင်းရရှိခဲ့ပါသည်။
သတင်းထုတ်ပြန်ခြင်း
၂၀၂၁ ခုနှစ်၊ ဖေဖော်ဝါရီလ ၂၆ ရက်နေ့ နံနက်ပိုင်းတွင် မန္တလေးတိုင်းဒေသကြီး၊ ချမ်းအေးသာစံမြို့နယ်၊ လမ်း(၃၀) (၆၈/၇၀) လမ်းကြားတွင် လူစုလူဝေး ၄၀၀ ဦးကျော်ခန့်သည် လည်းကောင်း၊ နေ့လည်ပိုင်းတွင် ချမ်းအေးသာစံမြို့နယ်၊ (၃၅/၈၅)လမ်းကြား မြတောင်ကျောင်း အရှေ့တွင် လူစုလူဝေး ၂၅၀ ဦးခန့်သည်လည်းကောင်း၊ (၆၂/၁၀၄)(A) လမ်းထောင့်တွင် အင်အား ၁၀၀ ဦးသည်လည်းကောင်း အများပြည်သူ သွားလာအသုံးပြုနေကြသည့် လမ်းမများပေါ်တွင် လမ်းပိတ်ဆို့မှုများပြုလုပ်ကာ ကြွေးကြော်သံအမျိုးမျိုး အော်ဟစ်ဆူပူလျက်ရှိကြောင်း သတင်းရရှိခဲ့ ပါသည်။
