news

နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊

ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း

အမျိုးသားအဆင့် အစားအသောက်ဘေးအန္တရာယ်ကင်းရှင်းရေးမူဝါဒ မိတ်ဆက်ခြင်းနှင့် ဖြန့်ဝေခြင်းအခမ်းအနားသို့တက်ရောက်အမှာစကားပြောကြား

နေပြည်တော် ဧပြီ ၂၇

          အမျိုးသားအဆင့် အစားအသောက်ဘေးအန္တရာယ်ကင်းရှင်းရေးမှုဝါဒ မိတ်ဆက် ခြင်းနှင့်ဖြန့်ဝေခြင်းအခမ်းအနားကို ယနေ့နံနက် ၉ နာရီတွင် နေပြည်တော်ရှိ မြန်မာ အပြည်ပြည်ဆိုင်ရာကွန်ဗင်းရှင်းဗဟိုဌာန-၂ ၌ ကျင်းပရာ နိုင်ငံတော်စီမံအုပ်ချုပ်ရေး ကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း တက်ရောက် အမှာစကားပြောကြားသည်။

          အခမ်းအနားသို့ နိုင်ငံတော်စီမံအုပ်ချုပ်ရေးကောင်စီဝင်များဖြစ်ကြသည့် ဒေါ်အေးနုစိန်၊ ဦးမောင်းဟာနှင့် ဒုတိယဗိုလ်ချုပ်ကြီးစိုးထွဋ်၊ ပြည်ထောင်စုဝန်ကြီးများ၊  ဒုတိယဝန်ကြီးများ၊ နေပြည်တော်ကောင်စီဝင်များ၊ အမြဲတမ်းအတွင်းဝန်များ၊ မြန်မာနိုင်ငံ ရဲတပ်ဖွဲ့ ရဲချုပ်၊ ညွန်ကြားရေးမှူးချုပ်များ၊ နှီးနွယ်ဆက်စပ်ဌာနများ၊ ဖိတ်ကြားထားသူများ နှင့် တာဝန်ရှိသူများ တက်ရောက်ကြသည်။

နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့
(၁၃)ကြိမ်မြောက် သတင်းစာရှင်းလင်းပွဲပြုလုပ်

နေပြည်တော်၊ ဧပြီ - ၂၇

          နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့၏ (၁၃)ကြိမ် မြောက် သတင်းစာရှင်းလင်းပွဲကို ယနေ့နေ့လယ်ပိုင်းတွင် ပြန်ကြားရေးဝန်ကြီး ဌာန၌ ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်း၊ ပြည်ထောင်စုရွေးကောက်ပွဲကော်မရှင် အဖွဲ့ဝင် ဦးခင်မောင်ဦး၊ ဌာနဆိုင်ရာများမှ ပြောရေးဆိုခွင့်ရှိသူများနှင့် ဌာနဆိုင်ရာ သတင်းထုတ်ပြန်ရေးအဖွဲ့ ကိုယ်စားလှယ်များက သတင်းမီဒီယာများ၏ သိရှိလို သည့် မေးမြန်းမှုများကို ပြန်လည်ဖြေကြားသည်။

          သတင်းစာရှင်းလင်းပွဲ မစတင်မီ တက်ရောက်လာကြသူများအား ကိုဗစ်-၁၉  ရောဂါကြိုတင်ကာကွယ်ရေးအတွက် တာဝန်ရှိသူများက လိုအပ်သည့် ကျန်းမာရေး ဆိုင်ရာစစ်ဆေးမှုများ ဆောင်ရွက်ပေးပြီး သတ်မှတ်အကွာအဝေးအတိုင်း နေရာချ ထားပေးသည်။

          ဦးစွာ နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့ ခေါင်းဆောင် ဗိုလ်ချုပ် ဇော်မင်းထွန်းက နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အနေဖြင့် မီဒီယာများကို တိုင်းပြည်၏ စတုတ္ထမဏ္ဍိုင်အဖြစ် အလေးထားပြီး တပ်မတော်ကာကွယ်ရေးဦးစီးချုပ် တာဝန်ထမ်းဆောင်စဉ်ကတည်းက တပ်မတော်နှင့် မီဒီယာများကြား ဆက်သွယ် ဆက်ဆံမှုကို ဆောင်ရွက်စေခဲ့သည်များ၊ တပ်မတော်သတင်းမှန်ပြန်ကြားရေးအဖွဲ့ ကို ဖွဲ့စည်းပြီး သတင်း မီဒီယာကောင်စီနှင့် ဆက်သွယ်ဆက်စပ်မှု ပြုလုပ်ခဲ့သည် များ၊ တပ်မတော်နှင့် သတင်းမီဒီယာများအကြား သတင်းစီးဆင်းမှု မှန်ကန် မြန်ဆန်ရေး အတွက် မီဒီယာများကိုပါ ဖိတ်ခေါ်၍ ပြုလုပ်ခဲ့သည့် အလုပ်ရုံ ဆွေးနွေး ပွဲများနှင့် တပ်မတော်က နိုင်ငံ‌တော်တာဝန်ကိုယူပြီးနောက် မီဒီယာများကို ဖိတ်ကြား၍ သတင်းစာရှင်းပွဲများ ပြုလုပ်ခဲ့မှုတို့ကို ပြောကြားပြီး သတင်းစာ ရှင်းလင်းပွဲကို တက်ရောက်လာကြသည့် မီဒီယာများအပါအဝင် မီဒီယာများ အားလုံးကို ရည်ညွှန်း၍ ၂၀၂၀ ခုနှစ်၊ နိုဝင်ဘာလ အထွေထွေရွေးကောက်ပွဲတွင်  မဲမသမာမှုတွေရှိခဲ့သည့် အတွက် ဥပဒေ၊ စည်းကမ်းများနှင့် အညီဖြေရှင်းပေးရန် ကြေညာချက် ၆ ခု ထုတ်ပြန်ခဲ့ပြီး ပြည်တွင်း၊ ပြည်ပ မီဒီယာများရှေ့၌ သက်သေအထောက်အထား စုံစုံလင်လင်ဖြင့် သတင်းစာရှင်းလင်းပွဲ များပြုလုပ်ခဲ့ သည့်အပြင် ပြန်လည်ဖွဲ့စည်းခဲ့သည့် UEC အသစ်ကလည်း တွေ့ရှိချက် များကို သံတမန်များနှင့် မီဒီယာများကို ထုတ်ပြန်ပေးခဲ့ကြောင်း၊ ထိုသို့ မဲမသမာမှုကို ဖြေရှင်းပေးရန် တပ်မတော်နှင့် နိုင်ငံ ရေးပါတီအချို့၏ တောင်းဆိုချက်များကို ဘာကြောင့် မဖြေရှင်း၊ သက်သေမပြ ပေးသနည်း ဟူသည့် မေးခွန်း၊ NUG အမည်ခံ အကြမ်းဖက်အဖွဲ့လုပ်ဆောင်နေသည့် ငွေတိုက်စာချုပ်၊ ဘွန်း၊ Ticket ၊ ပရောဂျက် များနှင့် ရောင်းချ အလှူခံနေသည့် သတင်းများကို မီဒီယာအချို့တွင် တွေ့ရှိနေရပြီး အဆိုပါရရှိသည်ဆိုသည့် ငွေများနှင့် ထောက်ပံ့သည်ဆိုသည့် ငွေများကို မည်သည့် နေရာများတွင် အသုံးချနေသနည်း ဟူသည့် မေးခွန်း၊ စစ်ကိုင်းတိုင်းဒေသကြီး အတွင်း လူသတ်မှုပေါင်းများစွာကို ကျူးလွန်နေသည့် ဗိုလ်သံမဏိဆိုသူ အကြမ်းဖက် ဦးဆောင်နေသည့်အဖွဲ့သည် ၎င်းတို့ကိုယ်တိုင် ထုတ်ဖော်ပြောဆိုသည့် လူ ၁၀ ဦးအား သတ်ဖြတ်ခဲ့သည်ကို NUG အမည်ခံ အကြမ်းဖက်အဖွဲ့က အရေးယူမည်၊ စုံစမ်းစစ်ဆေးမည် ဆိုသည့် ကိစ္စနှင့်ပတ်သက်၍ မည်သို့အရေးယူထားသနည်း ဟူသည့် မေးခွန်း၊ PDF  အမည်ခံအကြမ်းဖက်အဖွဲ့များ မီးရှို့ဖျက်ဆီးခဲ့သည့် ပုလဲမြို့နယ်အတွင်းရှိ အင်းမထီး ကျေးရွာနှင့် ဇီးဖြူကုန်းကျေးရွာဖြစ်စဉ်များတွင် ရွာသူ၊ ရွာသားများကိုယ်တိုင် ရင်နင့် ဖွယ်ရင်ဖွင့်ပြောဆိုထားသော်လည်း ၎င်းတို့အတွက် ရပ်တည်၍ မည်သည့် မီဒီယာများက မေးမြန်းဖော်ပြပေးခဲ့ပါသနည်း ဟူသည့် မေးခွန်း၊ စစ်ကိုင်းတိုင်း ဒေသကြီး၊ ဆားတောင်မြို့၊ မြင်းကြွရပ်ကွက်နေ ကိုရင်ငယ် ၃ ပါး မိုင်းထိသည့် ဖြစ်စဉ်အပါအဝင် ဗုဒ္ဓဘာသာ ရဟန်း၊ သံဃာများ၊ အပြစ်မဲ့ ပြည်သူများနှင့် နိုင်ငံ့ဝန်ထမ်းများအား အကြောင်းအမျိုးမျိုးပြ စွပ်စွဲသတ်ဖြတ်မှုများ သည် NUG ၏ မူဝါဒဖြစ်ပါသလား ဟူသည့်မေးခွန်း၊ အကြမ်းဖက် NUG ၏ စီစဉ်မှုဖြင့် ကျောင်းများ ဖွင့်သည်ဟုဆိုပြီး သင်ရိုးညွှန်းတမ်းများကို ဖော်ပြရာတွင် နိုင်ငံ တော်အစိုးရက ထုတ်ဝေထားသည့် သင်ရိုးညွှန်းတမ်း စာအုပ်များပင်ဖြစ်ရာ NUG ဆိုသောအဖွဲ့ အနေဖြင့် ၎င်းတို့သင်ကြားသည် မဟုတ်ပါက စာမသင်ရ မူဝါဒရှိ/မရှိ ဟူသည့် မေးခွန်းနှင့် NUG ၏ ဒီမိုကရေစီဆိုသည်မှာ ၎င်းတို့ကို ထောက်ခံမှ ဒီမို ကရေစီအစစ်ဟု ယူဆထားသလား ဟူသည့် မေးခွန်းတို့ကို သတင်းမီဒီယာများ အနေဖြင့် NUG အမည်ခံအကြမ်းဖက်အဖွဲ့ကို မေးမြန်းဖူးခြင်း ရှိ/မရှိ ပြန်လည် မေးမြန်းခဲ့သည်။

ပြည်ထောင်စုဝန်ကြီးဟောင်း ဦးအုန်းဝင်းနှင့် ဦးဝင်းခိုင် ၊ ဒုတိယဝန်ကြီးဟောင်း ဒေါက်တာထွန်းနိုင်၊ အမှတ်(၁) သတ္တုတွင်း လုပ်ငန်း၊ ဦးဆောင်ညွှန်ကြားရေးမှူးဟောင်း ဦးကျော်ဆန်း၊ လျှပ်စစ်ဓာတ်အားပေးရေးလုပ်ငန်း ဦးဆောင်ညွှန်ကြားရေးမှူး ဦးသန်းနိုင်ဦး၊ ကုမ္ပဏီ ဥက္ကဌ ဦးချစ်ခိုင်နှင့် မန်နေးဂျင်းဒါရိုက်တာ ဦးဝင်းမင်းခိုင်တို့အပေါ်  အဂတိလိုက်စားမှု တိုက်ဖျက်ရေးဥပဒေဖြင့် အမှုဖွင့်လှစ်အရေးယူ