news

လိုင်ဇာရှိ KIA လက်နက်ကိုင်အဖွဲ့ဌာနချုပ်သို့ စစ်သင်တန်းစေလွှတ်မှုတွင် အမျိုးသားဒီမိုကရေစီအဖွဲ့ချုပ်(NLD)ပါတီမှ ညွှန်ကြားစေခိုင်းခဲ့သည့် သတင်းထုတ်ပြန်ချက်

နေပြည်တော်၊ ဇွန်- ၁၃

လိုင်ဇာရှိ KIA လက်နက်ကိုင်အဖွဲ့ဌာနချုပ်သို့ စစ်သင်တန်းစေလွှတ်ခဲ့မှု၊ ဖောက်ခွဲ ရေး ပစ္စည်းများပြုလုပ်ရာ၌ ပါဝင်မှုတို့နှင့်ဆက်စပ်၍ အောင်ခန့်(ရွှေသီဟ ဆန်စက် ပိုင်ရှင်၊ ရွှေဘိုမြို့နေထိုင်သူ)အား ၂၁-၅-၂၀၂၁ ရက်တွင် ဖမ်းဆီးရမိခဲ့ပါသည်။

            ၁၆-၅-၂၀၂၁ ရက်တွင် နိုင်ငံတော်မှ အကြမ်းဖက်အဖွဲ့အစည်းများအဖြစ် ကြေညာ ထားသော NUG မှ တရားခံပြေး ဇော်ဝေစိုး အပါအဝင် ၄၀ ဦးခန့်ဖြင့် ပြုလုပ်သော အစည်းအဝေးသို့ အောင်ခန့်မှ ပါဝင်တက်ရောက်ခဲ့ပြီး အစည်းအဝေးတွင် မြင့်ထွေး (ရေဦးမြို့နယ်၊ အမှတ်-၂ တိုင်းဒေသကြီး လွှတ်တော်ကိုယ်စားလှယ်ဟောင်း)၊ အေးမြတ်မွန် (မြောင်မြို့နယ်၊ အမှတ်-၂ တိုင်းဒေသကြီး လွှတ်တော်ကိုယ်စားလှယ်ဟောင်း)၊ ခင်မွှေးလွင် (မင်းကင်းမြို့နယ်၊ အမှတ်-၁ တိုင်း ဒေသကြီး လွှတ်တော်ကိုယ်စားလှယ်ဟောင်း)၊ နိုင်အောင်(ဝက်လက်မြို့နယ်၊ အမှတ်-၂ တိုင်းဒေသကြီးလွှတ်တော်ကိုယ်စားလှယ်ဟောင်း) တို့ တက်ရောက်ခဲ့ကြကြောင်း၊ အဆိုပါ အစည်းအဝေး၌ People's Defense Force (PDF)ကိစ္စရပ်များနှင့် တိုက်ပွဲဖြစ်ပွားပါက ဒဏ်ရာရရှိသူများ ကုသပေးရေးကိစ္စရပ် များအား ဆွေးနွေးခဲ့ကြောင်း သိရှိရပါသည်။

နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့က သတင်းမီဒီယာများနှင့်တွေ့ဆုံ၍ ၆/၂၀၂၁ ကြိမ်မြောက်   သတင်းစာရှင်းလင်းပွဲပြုလုပ်

နေပြည်တော်၊ ဇွန် - ၁၂

          နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့၏ ၆/၂၀၂၁ ကြိမ်မြောက် သတင်းစာရှင်းလင်းပွဲကို ယနေ့မွန်းလွဲပိုင်းတွင် ပြန်ကြားရေးဝန်ကြီး ဌာန၌ ကျင်းပပြုလုပ်ပြီး နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်း၊ ပြည်ထောင်စုရွေးကောက်ပွဲကော်မရှင် အဖွဲ့ဝင် ဉီးခင်မောင်ဉီး၊ ဌာနဆိုင်ရာများမှ ပြောရေးဆိုခွင့်ရှိသူများနှင့် ဌာနဆိုင်ရာ သတင်းထုတ်ပြန်ရေးအဖွဲ့ ကိုယ်စားလှယ်များက သတင်းမီဒီယာများ၏ သိရှိလို သည့် မေးမြန်းမှုများကို ပြန်လည်ဖြေကြားသည်။

          သတင်းစာရှင်းလင်းပွဲမစတင်မီ တက်ရောက်လာကြသူများအား COVID-19  ရောဂါကြိုတင်ကာကွယ်ရေးအတွက် တာဝန်ရှိသူများက လိုအပ်သည့် ကျန်းမာရေး ဆိုင်ရာများ ဆောင်ရွက်ပေးပြီး သတ်မှတ်အကွာအဝေးအတိုင်း နေရာချထားပေး သည်။

          ထို့နောက် နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့ ခေါင်းဆောင် ဗိုလ်ချုပ် ဇော်မင်းထွန်းက နိုင်ငံတစ်ဝှမ်းလုံးစာသင်ကျောင်းများ ဖွင့်လှစ်နေသည့် အခြေအနေများ၊ တပ်မတော်ကာကွယ်ရေးဦးစီးချုပ်နှင့် တရုတ် နိုင်ငံမှ Phonex မီဒီယာ တွေ့ဆုံမေးမြန်းခြင်းမှ အရေးကြီးကောက်နုတ်ချက်များ၊ ဘဏ္ဍာရေးနှစ်ပြောင်းလဲခြင်းနှင့် ရုံးပိတ်ရက်များ၊ အကြမ်းဖက်သင်တန်းများ၊ ထောက်ပံ့မှုများတွင် EAO အဖွဲ့အချို့၏ ပါဝင်ပတ်သက်မှုများ၊ NUG၊ CRPH၊ PDF အကြမ်းဖက်အဖွဲ့များ၏ ကြေညာချက်များနှင့် အဆိုပါကြေညာချက်များကြောင့် ဖြစ်ပေါ်လာသည့် အကျိုးဆက်များကို ရှင်းလင်းပြောကြားသည်။ ထိုသို့ရှင်းလင်း ပြောကြားရာတွင် Online တွင် ပျံ့နှံ့နေသည့် လုပ်ကြံဖန်တီးထားသော လှုံ့ဆော်မှု များနှင့် သတင်းမှားများသည် လက်တွေ့အခြေအနေနှင့် မည်မျှကွာခြားနေမှုကို မျက်ဝါးထင်ထင်တွေ့မြင်စေရန် ဖောက်ခွဲဖျက်ဆီးရေးနှင့် အကြမ်းဖက်လုပ်ရပ်များ တွင် ပါဝင်ဆောင်ရွက်ခဲ့သူများနှင့် ပတ်သက်ခဲ့သူများ၏ ထွက်ဆိုချက်များကို PowerPoint  Presentation များ၊ Video ဖိုင်များဖြင့် အကျယ်တဝင့် ရှင်းလင်း ပြောကြားသည်။

မြို့နယ်အချို့၌ လက်လုပ်သေနတ်များအား လုံခြုံရေးတပ်ဖွဲ့ဝင်များထံ လာရောက်အပ်နှံ

နေပြည်တော်၊ ဇွန် ၁၂

            တိုင်းဒေသကြီး/ ပြည်နယ်များရှိ မြို့နယ်အချို့မှ ပြည်သူ လူထုများက ၎င်းတို့ထံတွင်ရှိသော လက်လုပ်သေနတ်များအား လုံခြုံရေးတပ်ဖွဲ့ဝင်များထံ လာရောက် အပ်နှံခဲ့ကြောင်း သိရသည်။

              ထိုသို့အပ်နှံခဲ့ရာတွင် ဇွန်လ ၁၀ ရက်နေ့ နံနက် ၁၀ နာရီ ၁၅ မိနစ်ခန့်တွင် စစ်ကိုင်းတိုင်းဒေသကြီး၊ အရာတော်မြို့နယ်မှ တူမီးသေနတ် ၇ လက်၊ ပြုလုပ်ဆဲ တူမီးပြောင်း ၂ ခု၊ လက်လုပ်လေသေနတ် ၂၀ လက်၊ ပြုလုပ်ဆဲ ဒူးလေး ၁ လက်၊ ဂက်စ်သေနတ် ၉ လက်တို့အား လည်းကောင်း၊ နေ့လယ် ၁ နာရီခန့်တွင် ဧရာ၀တီတိုင်းဒေသကြီး၊ လပွတ္တာမြို့နယ်၊ လ/တောင် ကျေးရွာအုပ်စုမှ လက်လုပ်လေသေနတ် ၁ လက်အားလည်းကောင်း၊ နေ့လယ် ၃ နာရီ ခန့်တွင် မြန်အောင်မြို့နယ်၊ မြစ်ကျိုးကျေးရွာအုပ်စုနှင့် အိုးဘိုကျေးရွာအုပ်စုမှ လက်လုပ်လေသေနတ် ၃ လက်အားလည်းကောင်း၊ ညနေ ၄ နာရီခွဲခန့်တွင် မြောင်းမြမြို့နယ်၊ ရွာသစ်ကျေးရွာမှ လက်လုပ် လေသေနတ် ၂ လက်အားလည်းကောင်း၊ ညနေ ၅ နာရီခန့်တွင် ကချင်ပြည်နယ်၊ မိုးကောင်းမြို့နယ်၊ ကျွန်းတောရပ်ကွက်မှ လက်လုပ်လေသေနတ် ၁ လက်အား လည်းကောင်း၊ ညနေ ၅ နာရီ ၄၅ မိနစ် ခန့်တွင် ဧရာ၀တီတိုင်းဒေသကြီး၊ အင်္ဂပူမြို့နယ်၊ ပန်းတင်ကျေးရွာမှ လေသေနတ် ၂ လက်၊ ဒူးလေး ၁ လက်၊ မြှား ၁ ချောင်း၊ လေအိုးနှင့် ကော်ပိုက် ၃ ချောင်းတို့အားလည်းကောင်း၊ ဇွန်လ ၁၂ ရက်နေ့ နံနက် ၁၁ နာရီခန့်တွင် ဂန့်ဂေါမြို့နယ်၊ စကားကျေးရွာမှ လက်လုပ်တူမီးသေနတ် ၂ လက်၊ လုပ်လက်စတူမီးသေနတ် ၂ လက်၊ လက်လုပ်ဂက်စ်သေနတ် ၁ လက်တို့အားလည်းကောင်း လုံခြုံရေး တပ်ဖွဲ့ဝင်များထံ အသီးသီးလာရောက်အပ်နှံခဲ့ကြောင်း သိရသည်။

          ထိုကဲ့သို့ ပြည်သူလူထုက လာရောက်အပ်နှံသော လက်လုပ် သေနတ်များအား လုံခြုံရေးတပ်ဖွဲ့ဝင်များက စနစ်တကျ လက်ခံရယူခဲ့ပြီး သိမ်းဆည်းထားရှိကြောင်း သတင်းရရှိသည်။