(၄၉)နှစ်မြောက် ရခိုင်ပြည်နယ်နေ့အခမ်းအနားကို ယနေ့နံနက်ပိုင်းက စစ်တွေမြို့၊ ခိုင်သဇင်ခန်း မ၌ကျင်းပရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဒေါက်တာ ဘရွှေ၊ ရခိုင်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးထိန်လင်း၊ အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ထင်လတ်ဦး၊ သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံ၊ တိုင်းရင်းသားလူမျိုးရေးရာဝန်ကြီး ဌာန ဒုတိယဝန်ကြီး ဦးဇော်အေးမောင်၊ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်(ငြိမ်း) ဒေါက်တာ အောင်ကျော်မင်း၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများ၊ ဌာနဆိုင်ရာများ၊ ဖိတ်ကြားထားသည့်ဧည့်သည်တော်များနှင့် ဂုဏ်ထူးဆောင်ဆု၊ ဂုဏ်ပြုမှတ်တမ်းလွှာ ချီးမြှင့်ခြင်းခံရသူများတက်ရောက်ကြသည်။
ရှေးဦးစွာအခမ်းအနားကို ရခိုင်မင်္ဂလာစည်တော်တီးခတ်ကာ ပြည်နယ်ယဉ်ကျေးမှုအဖွဲ့က ကပြဖျော်ဖြေ၍ ဖွင့်လှစ်ကြပြီး ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်ထံမှ (၄၉)နှစ်မြောက် ရခိုင် ပြည်နယ်နေ့အခမ်းအနားသို့ ပေးပို့သည့်သဝဏ်လွှာအား နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဒေါက်တာဘရွှေက ဖတ်ကြားသည်။
ဆက်လက်၍ ရခိုင်ပြည်နယ်ဝန်ကြီးချုပ် ဦးထိန်လင်းက ရခိုင်ပြည်နယ်နေ့အထိမ်းအမှတ် မိန့်ခွန်း ပြောကြား သည်။
ထို့နောက် ရခိုင်ပြည်နယ်နေ့ အထိမ်းအမှတ် ဂုဏ်ထူးဆောင်လက်မှတ်၊ ဂုဏ်ထူးဆောင်ဆု၊ မှတ်တမ်းတင်ဂုဏ်ပြုလွှာ ရရှိကြသူများကို ဆုတံဆိပ်များချီးမြှင့်ရာ နိုင်ငံတော်စီမံ အုပ်ချုပ်ရေး ကောင်စီအဖွဲ့ဝင် က ပြည်နယ်စီမံထူးချွန်ဆု (ပထမဆင့်) ရရှိသူသုံးဦး ကိုလည်းကောင်း၊ ပြည်နယ်ဝန်ကြီးချုပ် က ပြည်နယ်လယ်ယာစီးပွားထူးချွန်ဆု (ပထမဆင့်)နှင့် ပြည်နယ်လူမှုထူးချွန်ဆု (ပထမဆင့်) ရရှိသူနှစ်ဦးကိုလည်းကောင်း၊ အနောက်ပိုင်း တိုင်းစစ်ဌာနချုပ်တိုင်းမှူး က ပြည်နယ် လူမှုထူးချွန်ဆု(ပထမဆင့်) ရရှိသူနှစ်ဦးကိုလည်းကောင်း၊ ရခိုင်ပြည်နယ်အမျိုးသမီးရေးရာအဖွဲ့ နာယက၊ ပြည်နယ်ဝန်ကြီးချုပ်၏ဇနီး က ပြည်နယ်လူမှုထူးချွန်ဆု(ပထမဆင့်) ရရှိသူနှစ်ဦးကို လည်းကောင်းဆုများပေး အပ်ချီးမြှင့်ကြသည်။
ယင်းနောက် ဒုတိယဝန်ကြီးများ၊ ပြည်နယ်အစိုးရအဖွဲ့ဝင်များနှင့် တာဝန်ရှိသူများက ပြည်နယ် စီမံထူးချွန်ဆု၊ ပြည်နယ်လယ်ယာစီးပွားထူးချွန်ဆု၊ ပြည်နယ်လူမှုထူးချွန်ဆု(ဒုတိယဆင့်)နှင့် (တတိယ ဆင့်) ရရှိသူများ၊ မှတ်တမ်းတင်ဂုဏ်ပြုလွှာရရှိကြသူများကို ဆုများ ပေးအပ်ချီးမြှင့်ကြ သည်။
(၄၉)နှစ်မြောက်ရခိုင်ပြည်နယ်နေ့အခမ်းအနားတွင် ပြည်နယ်စီမံထူးချွန်ဆု(ပထမဆင့်) ၃ဆု၊ (ဒုတိယဆင့်) ၁၅ ဆု၊ (တတိယဆင့်) ၃၀၊ ပြည်နယ်လယ်ယာစီးပွားထူးချွန်ဆု(ပထမဆင့်)၁ဆု၊ (ဒုတိယဆင့်) ၆ ဆု၊ (တတိယဆင့်) လေးဆု၊ ပြည်နယ်လူမှုထူးချွန်ဆု(ပထမဆင့်) ၈ ဆု၊ (ဒုတိယဆင့်) ၁၀ ဆု၊ (တတိယဆင့်) ၉ ဆုနှင့် မှတ်တမ်းတင်ဂုဏ်ပြုလွှာ ၁၆၄ ဆု စုစုပေါင်း ၂၅၈ ဆုပေးအပ်ချီး မြှင့်ခဲ့ကြောင်းသိရသည်။
ဆက်လက်၍ ရခိုင်တိုင်းရင်းသားရိုးရာအကအဖွဲ့က မှိုဟင်းခူးဇောင်လားကတ်မေ တေးသီချင်း ဖြင့်လည်းကောင်း၊ ပြည်နယ်အထွေထွေအုပ်ချုပ်ရေးဦးစီးဌာနဝန်ထမ်းများက ရခိုင့်ဘဝတေးသံ တေး သီချင်းဖြင့်လည်းကောင်း ကပြဖျော်ဖြေကြပြီး နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ပြည်နယ် ဝန်ကြီးချုပ်နှင့် တာဝန်ရှိသူများသည် ဂုဏ်ထူးဆောင်ဆု၊ ဂုဏ်ပြုမှတ်တမ်းလွှာချီးမြှင့်ခြင်းခံရသူများ နှင့်အတူ စုပေါင်းမှတ်တမ်းတင်ဓာတ်ပုံရိုက်ကြသည်။
ထို့နောက် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ၊ပြည်နယ်ဝန်ကြီးချုပ်နှင့်အဖွဲ့သည် ခိုင်သဇင်ခန်းမအတွင်း၌ (၄၉) နှစ်မြောက် ရခိုင်ပြည်နယ်နေ့အထိမ်း အမှတ်ပြခန်းများကို လှည့်လည် ကြည့်ရှုအားပေးကြပြီး ဂုဏ်ထူးဆောင်ဆုရရှိသူများ နှင့်အတူ ဂုဏ်ပြုနေ့လယ်စာကို အတူတကွ သုံးဆောင်ကြသည်။
မွန်းလွဲပိုင်းတွင် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်သည် ရခိုင်ပြည်နယ်အစိုးရအဖွဲ့ ဧည့်ရိပ်သာအစည်းအဝေးခန်းမ၌ ပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာများနှင့် တွေ့ဆုံသည်။
တွေ့ဆုံစဉ် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် က နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ်၏ လမ်းညွှန်ချက်များ၊ နိုင်ငံတော်စီမံအုပ်ချုပ်ရေး ကောင်စီအနေဖြင့် ရှေ့လုပ်ငန်းစဉ် (၅)ရပ်၊ ဦးတည်ချက်(၉)ရပ်ချမှတ်ကာ တည်ငြိမ်အေးချမ်းရေး၊ တရားဥပဒေစိုးမိုးရေး နှင့် ဖွံ့ဖြိုးတိုးတက်ရေးလုပ်ငန်းများကိုဆောင်ရွက်နေမှုများ၊ ရခိုင်ပြည်နယ်၏ ဒေသတည်ငြိမ် အေးချမ်းရေး၊ တရားဥပဒေစိုးမိုးရေး၊ စိုက်ပျိုးရေး၊ မွေးမြူရေးလုပ်ငန်းများ ဖွံ့ဖြိုးတိုးတက်ရေးအတွက် ဌာနဆိုင်ရာများကအနာဂတ်တွင် အလားအလာကောင်းသော ပြည်နယ်တစ်ခုဖြစ်အောင် ဝိုင်းဝန်း ပူးပေါင်း ဆောင်ရွက်ကြစေရေးတို့ကို အကျယ်တဝင့်ရှင်းလင်းပြော ကြားသည်။
ယင်းနောက် သာသနာရေးနှင့်ယဉ်ကျေးမှုဝန်ကြီးဌာန၊ ဒုတိယဝန်ကြီးက ပြည်နယ် တည်ငြိမ် အေးချမ်းရေး၊ ဖွံ့ဖြိုးတိုးတက်ရေးအတွက်ဆောင်ရွက်ရမည့်ကဏ္ဍများနှင့် ပတ်သက်၍ ရှင်းလင်း ပြောကြားပြီး ပြည်နယ်အစိုးရအဖွဲ့ဝင်များ နှင့် ပြည်နယ်အဆင့်ဌာနဆိုင်ရာများက လမ်းပန်း ဆက်သွယ်ရေး၊ ပညာရေး၊ ကဏ္ဍများနှင့် ပတ်သက်၍ လိုအပ်ချက်များကို ရှင်းလင်းတင်ပြကြရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် က ပြန်လည်ရှင်းလင်းဆွေးနွေးပြီး နိဂုံးချုပ်အမှာစကား ပြောကြားသည်။
ညနေပိုင်းတွင် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် နှင့် အဖွဲ့သည် စစ်တွေမြို့၊ အဓိဌာန် ကျောင်းတိုက် ဆရာတော်အား ဖူးမြော်ကြည်ညိုပြီး လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ ကြကြောင်းသိရသည်။