အမျိုးသားစာပေတစ်သက်တာဆုနှင့် အမျိုးသားစာပေဆုရ စာပေပညာရှင်ကြီးများ နေပြည်တော်ပြည်သူ့ဆေးရုံကြီး ခုတင် (၁၀၀၀) ၌ ကျန်းမာရေးစစ်ဆေးမှုများ ခံယူကြပြီး မာရဝိဇယဗုဒ္ဓရုပ်ပွားတော်မြတ်ကြီးအား သွားရောက်ဖူးမြော်ကြည်ညို နေပြည်တော် ဒီဇင်ဘာ ၁၂

၂၀၂၂ခုနှစ်အတွက် အမျိုးသားစာပေတစ်သက်တာဆုနှင့် အမျိုးသားစာပေဆုများ ချီးမြှင့်ပွဲ အခမ်းအနားသို့ တက်ရောက်ရန် နေပြည်တော်၌ ရောက်ရှိနေကြသည့် ဆုရ စာပေပညာရှင်ကြီးများသည်ယနေ့တွင်နေပြည်တော်ပြည်သူ့ဆေးရုံကြီးခုတင် (၁၀၀၀) ၌ကျန်းမာရေးစစ်ဆေးမှုများခံယူကြပြီး မာရဝိဇယဗုဒ္ဓရုပ်ပွားတော်မြတ်ကြီးအား သွားရောက်ဖူးမြော်ကြည်ညိုကြသည်။
ရှေးဉီးစွာ ဆုရစာပေပညာရှင်ကြီးများသည် နေပြည်တော် ပြည်သူ့ဆေးရုံကြီး ခုတင် (၁၀၀၀) အထူးကုပြင်ပလူနာဌာန(၂)တွင် မိမိတို့ စစ်ဆေးကုသမှုခံယူလိုသည့် ကျန်းမာရေးအခြေအနေများအား အထူးကုဆရာဝန်ကြီးများဖြင့် ဆွေးနွေးတိုင်ပင်ကြပြီး အထူးကုဆရာဝန်ကြီးများက ဆီးချိုရောဂါ၊ သွေးတိုးရောဂါနှင့် နှလုံးရောဂါ တို့ကို အဓိကစစ်ဆေးခြင်းများ ဆောင်ရွက်ပေးကြကာ အခြားလိုအပ်သည့် ကျန်းမာရေး စစ်ဆေး မှုများကို ဆောင်ရွက်ပေး ကြသည်။
ထို့နောက် အထူးကုဆရာဝန်ကြီးများက စာပေပညာရှင်ကြီးများ ကျန်းမာရေး အတွက် သိသင့်သိထိုက်သည့် သက်ဆိုင်ရာရောဂါများအလိုက် ဆောင်ရန်၊ ရှောင်ရန် ကျန်းမာရေးဆိုင်ရာဗဟုသုတများ မျှဝေပေးပြီးကျန်းမာရေးစောင့်ရှောက်မှုများစနစ်တကျ ဆောင်ရွက်ပေးသည်။
ညနေပိုင်းတွင် ဆုရစာပေပညာရှင်ကြီးများသည် ပြည်ထောင်စုနယ်မြေ နေပြည် တော်ဒက္ခိဏသီရိမြို့နယ် ဗုဒ္ဓဥယျာဉ်တော်ရှိ ကမ္ဘာပေါ်ရှိထိုင်တော်မူ ကျောက်ဆစ်ဗုဒ္ဓ ရုပ်ပွားတော်များအနက် ဉာဏ်တော် အမြင့်ဆုံးဖြစ်သည့် မာရဝိဇယဗုဒ္ဓရုပ်ပွားတော်မြတ် ကြီးအား သွားရောက်ဖူးမြော်ကြည်ညိုကြသည်။
ရှေးဉီးစွာ ဆုရစာပေပညာရှင်ကြီးများသည် ဗုဒ္ဓဥယျာဉ်တော် အတွင်းရှိ မော်ကွန်း တိုက်၌ မာရဝိဇယဗုဒ္ဓရုပ်ပွားတော်မြတ်ကြီးနှင့် ဗုဒ္ဓဥယျာဉ်တော် ပုံစံငယ် ပြသထားမှု၊ ဗုဒ္ဓဥယျာဉ် တော်အတွင်း ကျင်းပပြုလုပ်ခဲ့သည့် မဟာမင်္ဂလာအခမ်းအနားများတွင် အသုံး ပြုခဲ့သည့် ပစ္စည်းများ၊ ဘုရာရှင်ဓာတ်တော်၊ ရဟန္တာဓာတ်တော်များ ထည့်သွင်းပူဇော်ခဲ့ သည့် ရွှေဖလားများ၊ အစိတ်အပိုင်း(၄)ပိုင်းခွဲ၍တည်ဆောက်ထားသော မာရဝိဇယဆင်း တုတော်ကြီး ပုံစံငယ်များ၊ မြန်မာ့ရိုးရာပန်းဆယ်မျိုးလက်ရာပုံစံငယ်များ၊ ရုပ်ပွားတော် မြတ်ကြီးတည်ထားပူဇော်မှု မှတ်တမ်းတင်ဓာတ်ပုံများနှင့် အခြားလေ့လာသင့်သည် များကို လှည့်လည်ကြည့်ရှုကြပြီး မာရဝိဇယဗုဒ္ဓရုပ်ပွားတော်မြတ်ကြီး အောင်မြင်စွာ တည်ထားပူဇော်နိုင်ရန် အဆင့်ဆင့်ဆောင်ရွက်ခဲ့မှု ဗီဒီယိုမှတ်တမ်းကို ကြည့်ရှုကြသည်။
ထို့နောက် ဆုရစာပေပညာရှင်များသည် မာရဝိဇယရုပ်ပွားတော်မြတ်ကြီးအား သွားရောက်ဖူးမြော်ကြည်ညိုကြပြီး ဘုရားရင်ပြင်တော်ပတ်လည်၌ စကျင်ကျောက်များ အသုံးပြု၍ တည်ဆောက်ထားသည့် ဂန္ဓကုဋိတိုက်များအတွင်း၌ လေ့လာကြည့်ရှု ကြသည်။
ယင်းနောက် ဆုရစာပေပညာရှင်များသည် အလှူခံဌာန၌ ဘုရားကြီးဘက်စုံ ပြုပြင်မွမ်းမံရန်အတွက် အလှူငွေများ ပေးအပ်လှူဒါန်းကြပြီးဗုဒ္ဓဥယျာဉ်တော်အတွင်း အံ့မခန်းဗိသုကာ လက်ရာများဖြင့် ခမ်းနားထည်ဝါစွာ တည်ထားပူဇော်ထားသည့် အဂ္ဂါ ဓိပတိသာသ နာ့ဗိမာန်တော်ကြီး နှင့် ကျောက်စာရုံစေတီတော်များကို ဆက်လက် ဖူးမြော် လေ့လာ ကြည်ညိုခဲ့ကြကြောင်း သိရှိရသည်။