၁။ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် (၇)ရက်သားသမီး၊ ဘုရားဒါယကာ၊ ဒါယိကာမတို့က မာရဝိဇယဗုဒ္ဓရုပ်ပွားတော်မြတ်ကြီးအား မြန်မာနိုင်ငံတွင် ထေရဝါဒဗုဒ္ဓသာသနာတော်ကြီး ခိုင်မာစွာထွန်းလင်းတောက်ပလျက်ရှိမှုအား ကမ္ဘာကိုပြသရန်၊ မြန်မာနိုင်ငံသည် ထေရဝါဒဗုဒ္ဓဘာသာကိုးကွယ်မှု၏ ဗဟိုချက်ဖြစ်စေရန်၊ နိုင်ငံတော်ကြီး သာယာ ဝပြောမှုရှိစေရန်၊ ကမ္ဘာကြီးငြိမ်းချမ်းသာယာမှုဖြစ်စေရန် ရည်သန်လျက် ပြည်ထောင် စုနယ်မြေ၊ နေပြည်တော်၊ ဒက္ခိဏသီရိမြို့နယ်အတွင်း၌ သာသနာတော်ထုံး၊ ရုပ်ပွားဆင်းတုတော်ထုံး၊ မြန်မာ့ရိုးရာတည်ထုံးများ၊ ဌာပနာပုံကျမ်း၊ ဗိသုကာကျမ်း၊ မဟာဗုဒ္ဓဝင်ကျမ်း အစရှိသော စာပေကျမ်းဂန်များနှင့်အညီ တည်ဆောက်ပူဇော်ခဲ့ပြီး မာရဝိဇယဗုဒ္ဓရုပ်ပွားတော်မြတ်ကြီးအား ဗုဒ္ဓါဘိသေက အနေကဇာတင်၍ ဗုဒ္ဓါဘိသိက် သွန်းလောင်းပူဇော်ခြင်း၊ ကျောက်စာရုံစေတီတော်များအား ရွှေထီးတော်တင်လှူ ပူဇော်ခြင်းနှင့် ရေစက်ချအောင်ပွဲမင်္ဂလာ ကုသိုလ်တော် မဟာမင်္ဂလာအခမ်းအနား များကို ဩဂုတ် ၁ ရက်၊ ဒုတိယဝါဆိုလပြည့်နေ့တွင် အောင်မြင်စွာ ကျင်းပပြုလုပ် ခဲ့ပြီးဖြစ်ပါသည်။
၂။ ကမ္ဘာပေါ်ရှိ ထိုင်တော်မူ ကျောက်ဆစ်ဗုဒ္ဓရုပ်ပွားတော်များအနက် ဉာဏ်တော် အမြင့်ဆုံးဖြစ်လာမည့် မာရဝိဇယဗုဒ္ဓရုပ်ပွားတော်မြတ်ကြီး တည်ထားကိုးကွယ်နိုင် ရန်အတွက် စကျင်ကျောက်တုံးတော်ကြီးကို စတင်လှူဒါန်းခဲ့သည့် အလှူရှင်မိသားစု နှင့်တကွ တပ်မတော်သို့ လွှဲပြောင်းပေးအပ်ခဲ့ကြသည့် အလှူရှင်များအပါအဝင် ကျေးဇူးတင်အသိအမှတ် ပြုထိုက်သည့် အောက်ပါဆပ်ကော်မတီများအသီးသီးမှ တာဝန်ရှိသူ ရဟန်းပုဂ္ဂိုလ်၊ လူပုဂ္ဂိုလ် အပေါင်းတို့အား ကျေးဇူးတင်စွာ ကမ္ပည်း မော်ကွန်းတင်ဂုဏ်ပြုအပ်ပါသည်-
(က) မန္တလေးမြို့၊ ဗန်းမော်ကျောင်းတိုက်ဆရာတော် အဘိဓဇမဟာ ရဋ္ဌဂုရု အဘိဓဇအဂ္ဂမဟာသဒ္ဒမ္မဇောတိက ဒေါက်တာ ဘဒ္ဒန္တ ကုမာရာဘိဝံသ အမှူးပြုသည့် ဩဝါဒါစရိယဆရာတော်ကြီးများအဖွဲ့
(ခ) စကျင်ကျောက်တော်ကြီးထုတ်လုပ်ရေးနှင့် သယ်ယူပင့်ဆောင်ရေး လုပ်ငန်းကော်မတီနှင့် လုပ်ငန်းဆက်စပ်ဆောင်ရွက်ခဲ့သည့် Anglo Mining Co.,Ltd နှင့် Two Elephant Trading Co.,Ltd
(ဂ) တည်ဆောက်ရေးလုပ်ငန်းကော်မတီ
(ဃ) ဘဏ္ဍာငွေရှာဖွေရေးလုပ်ငန်းကော်မတီ
(င) ပြန်ကြားရေး၊ သတင်းထုတ်ပြန်ရေးနှင့် မှတ်တမ်းပြုစုရေးလုပ်ငန်း ကော်မတီ
(စ) လုပ်ငန်းစစ်ဆေးရေးကော်မတီ
(ဆ) ဘာသာရေးအခမ်းအနားများကျင်းပရေးလုပ်ငန်းကော်မတီ
(ဇ) နည်းပညာအထောက်အကူပြု ကော်မတီများနှင့် ဦးစီးကော်မတီ၊ ဆပ်ကော်မတီများ
၃။ ထို့အပြင် ဆင်းတုတော်ကြီးထုဆစ်နိုင်ရေး ရေလမ်းကြောင်း၊ ကုန်းလမ်း ကြောင်းတို့မှ သယ်ယူပင့်ဆောင်နိုင်ရေးအတွက် လုပ်ငန်းကော်မတီအသီးသီးတွင် မပါဝင်ခဲ့သော်ငြား ဘာသာသာသနာအကျိုး ရည်မျှော်ကိုးလျက် လုပ်ငန်းစဉ်ကာလ အတွင်း လိုအပ်သောအကူအညီများပေးခဲ့ကြသော ဒေသခံပြည်သူလူထုများနှင့် ဗုဒ္ဓ ရုပ်ပွားတော်မြတ်ကြီးအောင်မြင်စွာ တည်ထားကိုးကွယ်နိုင်ရန် ကျရာကဏ္ဍ အသီးသီး ၌ နေ့ညမနား စွမ်းစွမ်းတမံဆောင်ရွက်ခဲ့ကြပါသော တပ်မတော်သား အင်ဂျင်နီယာ ပညာရှင်များနှင့် မြန်မာနိုင်ငံအင်ဂျင်နီယာကောင်စီမှ အသိပညာရှင် အတတ်ပညာရှင် များ၊ သာသနာရေးဝန်ကြီးဌာနမှ တာဝန်ရှိသူများ၊ မြန်မာစီးပွားရေးကော်ပိုရေးရှင်း၊ ကာကွယ်ရေးဦးစီးချုပ်ရုံး(ရေ)၊ ကာကွယ်ရေးပစ္စည်း ထုတ်လုပ်ရေးအရာရှိ ချုပ်ရုံး၊ စစ်အင်ဂျင်နီယာညွှန်ကြားရေးမှူးရုံးမှ အရာရှိ၊ အရာခံ အကြပ်စစ်သည်များနှင့် အခြားသော သက်ဆိုင်ရာကဏ္ဍအသီးသီးတွင် ပူးပေါင်းပါဝင်ဆောင်ရွက်ခဲ့ကြသည့် လက်ရုံးဝန်ထမ်းတပ်ဖွဲ့များမှ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် တကွ ဝန်ကြီးဌာနအသီးသီးမှ တာဝန်ရှိသူများ၊ ဗုဒ္ဓရုပ်ပွားတော်မြတ်ကြီး တည်ထား ကိုးကွယ်နိုင်ရန် စေတနာသဒ္ဓါတရား ထက်သန်စွာအလှူငွေများ ထည့်ဝင်လှူဒါန်းခဲ့ ကြသည့် လုပ်ငန်းရှင်ကြီး များ၊ ၇ ရက်သားသမီး စေတနာရှင်၊ အလှူရှင်များ၊ မာရဝိဇယဗုဒ္ဓရုပ်ပွားတော် မြတ်ကြီးအား ဗုဒ္ဓါဘိသေက အနေကဇာတင်လှူခြင်း၊ ကျောက်စာရုံစေတီတော်များ ထီးတော်တင်လှူခြင်းနှင့်ရေစက်ချအခမ်းအနားများသို့ ကြွရောက်လာခဲ့ကြသည့် ပြည်တွင်း၊ ပြည်ပမှ ဆရာတော်၊ သံဃာတော်များ၊ သာသနာနွယ်ဝင်သီလရှင်ဆရာကြီးများ အပါအဝင် ဘာသာသာသနာတော်ပြန့်ပွား ရေးအတွက် တစ်ထောင့်တစ်နေရာမှ ပါဝင်သယ်ပိုးခဲ့ကြသည့် ရဟန်းပုဂ္ဂိုလ်၊ လူပုဂ္ဂိုလ် အစရှိသူ ကျေးဇူးတင်ထိုက်သူအားလုံးကို ကျေးဇူးအထူးပင်တင်ရှိပါ ကြောင်း ကမ္ပည်းမော်ကွန်းတင် ဂုဏ်ပြုအပ်ပါသည်။
၄။ မာရဝိဇယဗုဒ္ဓရုပ်ပွားတော်မြတ်ကြီး၏ သာသနာ့ပရိဝုဏ်အတွင်း၌ ထေရ ဝါဒ ဗုဒ္ဓသာသနာ၏အနှစ်ချုပ်ဖြစ်သော ဆဋ္ဌသင်္ဂါယနာမူ ပိဋကတ်သုံးပုံကို ပါဠိ မြန်မာ၊ ပါဠိရိုမန်အက္ခရာ (၂)မျိုးဖြင့် ခိုင်မာသောကျောက်စာ စိုက်ထူရေးထိုးနိုင် ရေးနှင့် ကမ္ဘာသို့ပြန့်ပွားစေရေးအတွက် နိုင်ငံတကာကျမ်းစာများအဆင့်မီ ရိုက်နှိပ် ထုတ်ဝေနိုင်ရေးအလို့ငှာ လိုအပ်သောအထောက်အထားများနှင့် မှန်ကန်မှုရှိစေရေး စိစစ်တည်းဖြတ်ပေးခဲ့ကြပါသော ရဟန်းပုဂ္ဂိုလ်၊ လူပုဂ္ဂိုလ်အပေါင်းတို့ကိုလည်း ကျေးဇူးအထူးတင်ရှိပါကြောင်း မှတ်တမ်းတင် အပ်ပါသည်။
၅။ ဩဂုတ် ၁ ရက်၊ ဒုတိယဝါဆိုလပြည့်နေ့တွင် ကျင်းပပြုလုပ်ခဲ့သည့် မာရ ဝိဇယဗုဒ္ဓ ရုပ်ပွားတော်မြတ်ကြီး ဗုဒ္ဓါဘိသေက အနေကဇာတင်၍ ဗုဒ္ဓါဘိသိက်သွန်း လောင်းပူဇော်ခြင်း၊ ကျောက်စာရုံစေတီတော်များအား ရွှေထီးတော်တင်လှူ ပူဇော် ခြင်းနှင့် ရေစက်ချအောင်ပွဲမင်္ဂလာ ကုသိုလ်တော် မဟာမင်္ဂလာအခမ်းအနားများကို အောင်မြင်စွာ ကျင်းပနိုင်ရေးအတွက် ဦးစီးဦးဆောင်ဖြင့် ကြီးမှူးဆောင်ရွက်ပေးခဲ့ သည့် နိုင်ငံတော်ဩဝါဒါစရိယသောဠသမ ရွှေကျင် သာသနာပိုင် ဆရာတော်၊ သီတဂူ ကမ္ဘာ့ ဗုဒ္ဓတက္ကသိုလ်များ၏အဓိပတိ အဘိဓဇမဟာ ရဋ္ဌဂုရု အဘိဓဇ အဂ္ဂမဟာ သဒ္ဓမ္မဇောတိက ဒေါက်တာ ဘဒ္ဒန္တ ဉာဏိဿရ အမှူးပြုသည့် ဩဝါဒါစရိယ ဆရာတော်ကြီးများ၊ မဟာမင်္ဂလာအခမ်းအနားများ အောင်မြင်စွာ ကျင်းပရေး ဦးစီးကော်မတီနှင့် ဆပ်ကော်မတီများ၊ သာသနာရေးဆိုင်ရာကိစ္စရပ်များနှင့် အခမ်း အနားများတွင် ဧည့်ခံပူဇော်ပေးပါသော သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာနမှ ဝန်ထမ်းများနှင့် ကျောင်းသား၊ ကျောင်းသူများမှ တာဝန်ရှိသူ များ၊ အဘက်ဘက်မှ ဝိုင်းဝန်းကူညီဆောင်ရွက်ပေးပါသော ဝန်ကြီးဌာန အသီးသီးမှ ဝန်ထမ်းမိသားစုများ၊ မဟာမင်္ဂလာအခမ်းအနားများ ပါဝင်တက်ရောက် ကြည်ညိုကြ သည့် ရဟန်းပုဂ္ဂိုလ်၊ လူပုဂ္ဂိုလ် ဧည့်ပရိသတ်အပေါင်း အစရှိသူများနှင့် ကျေးဇူးတင် ထိုက်သူအားလုံးကို ကျေးဇူးအထူးပင်တင်ရှိပါကြောင်း ကမ္ပည်းမော်ကွန်းတင် ဂုဏ်ပြု အပ်ပါသည်။
မာရဝိဇယဗုဒ္ဓရုပ်ပွားတော်မြတ်ကြီး၊ မာရဝိဇယဗုဒ္ဓဥယျာဉ်တော်၊ မုစလိန္ဒနဂါးရုံ ဘုရား၊ အဂ္ဂါဓိပတိ သာသနာ့ဗိမာန်တော်ကြီးနှင့် ကျောက်စာရုံစေတီတော်များ တည်ထားကိုးကွယ်ရေးနာယကအဖွဲ့