မြန်မာနိုင်ငံဂီတအစည်းအရုံး (ဗဟို)
သဘောထားထုတ်ပြန်ချက်
၂၀၂၂ ခုနှစ် စက်တင်ဘာလ ၃၀ ရက်
၁။ ကယားပြည်နယ်အတွင်းရှိ KNPP နှင့် PDF အမည်ခံ အကြမ်းဖက်သမားများက ယနေ့ နံနက်ပိုင်းတွင် ခရီးသည် ၆၃ ဦး လိုက်ပါလာသည့် ခရီးစဉ်အမှတ် UB _ 149 ၊ ရန်ကုန်_နေပြည်တော်_ရန်ကုန် ခရီးစဉ်အဖြစ် ပြေးဆွဲသည့် မြန်မာအမျိုးသားလေကြောင်းလိုင်း (MNA) မှ လေယာဉ်အမှတ် XY _ AML ၊ လေယာဉ်အမျိုးအစား ART _72 (600) သည် လွိုင်ကော် လေဆိပ်သို့ ဆင်းသက်ရန် လေယာဉ် ဆင်းသက်ခြင်းလုပ်ငန်းစဉ်များအတိုင်း လေယာဉ်ကွင်းသို့ ချဉ်းကပ်ပျံသန်းစဉ် လက်နက် (စိစစ်ဆဲ) ဖြင့် ပစ်ခတ်သဖြင့် လေယာဉ်ပေါ် စီးနင်းလိုက်ပါ လာသည့် ခရီးသည် တစ်ဦးဒဏ်ရာရရှိခဲ့ကြောင်း သိရှိရပါသည်။
၂။ အပြစ်မဲ့ပြည်သူများအား အမျိုးမျိုးရန်ရှာကာ အကြောင်းမဲ့ ပစ်ခတ်တိုက်ခိုက်မှုများ၊ ယခုကဲ့သို့ ပြည်သူအများ ဒုက္ခရောက်စေရန် ကျူးလွန်မှုများအတွက် ယခုဖြစ်စဉ်အပါအဝင် အကြမ်းဖက်လုပ်ရပ်များကို မြန်မာနိုင်ငံ ဂီတအစည်းအရုံး (ဗဟို)က ပြင်းထန်စွာ ကန့်ကွက်ရှုတ်ချကြောင်း သဘောထား ထုတ်ပြန်အပ်ပါသည်။
မြန်မာနိုင်ငံဂီတအစည်းအရုံး (ဗဟို)
မြန်မာနိုင်ငံသတင်းမီဒီယာကောင်စီ
သဘောထားထုတ်ပြန်
ကြေညာချက် (၅ / ၂၀၂၂)
၂၀၂၂ ခုနှစ်၊ စက်တင်ဘာလ ၃၀ရက်၊ သောကြာနေ့
၁။ ယနေ့နံနက်ပိုင်းက ရန်ကုန်-နေပြည်တော်-လွိုင်ကော်-ရန်ကုန် ခရီးစဉ်ကို ပြေးဆွဲနေသည့် မြန်မာအမျိုးသားလေကြောင်းလိုင်းပိုင် လေယာဉ်တစ်စီး လွိုင်ကော်လေဆိပ်သို့ ဆင်းသက်ရန် လေယာဉ် ဆင်းသက်ခြင်းလုပ်ငန်းစဉ်များအတိုင်း လေယာဉ်ကွင်းသို့ ချဉ်းကပ်ပျံသန်းစဉ် အမြင့်ပေ (၃၅၀၀)ခန့်တွင် အကြမ်းဖက်သမားများက လက်နက်ဖြင့်ပစ်ခတ်ခဲ့ကြောင်း သိရပါသည်။
၂။ အဆိုပါလေယာဉ်ပေါ်တွင် ခရီးသည် (၆၃)ဦး လိုက်ပါလာပြီး ပစ်ခတ်မှုကြောင့် လေယာဉ်ဝမ်းဗိုက်သို့ ထိမှန်ကာ ခရီးသည်တစ်ဦး ထိခိုက်ဒါဏ်ရာရရှိခဲ့ကြောင်း စိတ်မချမ်း မြေ့ဖွယ် ကြားသိရပါသည်။
၃။ ယခုကာလသည် နိုင်ငံတော်တည်ငြိမ်အေးချမ်းရေး၊ နိုင်ငံတော်ဖွံ့ဖြိုးတိုးတက်ရေး၊ ထာဝရ ငြိမ်းချမ်းရေး၊ စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ်ကို အခြေခံသည့် ပြည်ထောင်စု တည်ဆောက်နိုင်ရေးတို့အတွက် ရှေ့လုပ်ငန်းစဉ် (၅)ရပ်၊ ဦးတည်ချက်(၉)ရပ်ကို ချမှတ်ကာ နိုင်ငံတော်၊ တပ်မတော်နှင့်ပြည်သူအားလုံးတို့ ပူးပေါင်းဆောင်ရွက်နေသည့် အချိန်ကာလဖြစ်ပါသည်။
၄။ ဤသို့သောအချိန်ကာလတွင် နိုင်ငံတော် တည်ငြိမ်အေးချမ်းမှုကို ပျက်ပြားစေရန် ရည်ရွယ်လျက် ပြည်သူများ၏ စိတ်အေးချမ်းသာစွာ ခရီးသွားလာမှုများကို နှောင့်ယှက်လိုသည့် သဘောဖြင့် လက်နက်ကိုင်အကြမ်းဖက်သူများ၏ စစ်ဖက်ဆိုင်ရာ ပစ်မှတ်မဟုတ်သည့် အပြစ်မဲ့ပြည်သူများအပေါ် ရည်ရွယ်ချက်ထားပြီး တိုက်ခိုက်ပစ်ခတ်မှုများကို မြန်မာနိုင်ငံသတင်း မီဒီယာကောင်စီမှ ရှုတ်ချကန့်ကွက်ပါကြောင်းနှင့် လုံးဝလက်မခံနိုင်ပါကြောင်း သဘောထား ထုတ်ပြန် ကြေညာအပ်ပါသည်။
မြန်မာနိုင်ငံသတင်းမီဒီယာကောင်စီ