ဘဏ်များပိတ်ထားခြင်းမရှိဘဲ ဘဏ်လုပ်ငန်းများပုံမှန် လည်ပတ်ဆောင်ရွက်လျက်ရှိ

Monday, February 1, 2021 - 08:30

နေပြည်တော်၊ ဖေဖော်ဝါရီ-၁

လူမှုကွန်ရက်တွင်  ဘဏ်များပိတ်ထားပြီး  ဘဏ်လုပ်ငန်းများ ရပ်တန့်လျက်ရှိကြောင်း ကောလာဟလ သတင်းအချို့ဖော်ပြနေကြောင်းသိရှိရသည်။ ဖြစ်စဉ်အမှန်မှာ ဘဏ်များပိတ်ထားမှုမရှိဘဲ

ယနေ့နံနက်ပိုင်းအချိန်တွင် အင်တာနက်လိုင်းနှင့် ဆက်သွယ်ရေးဖုန်းလိုင်းပြတ်တောက် မှုများကြောင့်သာ လုပ်ငန်းဆောင်ရွက်မှုများ ခေတ္တနှောင့်နှေးကြန့်ကြာမှုများဖြစ်ပေါ်ခဲ့ခြင်းဖြစ်သည်။

ယခုအခါ အင်တာနက်လိုင်းများပြန်လည်ကောင်းမွန်လာပြီဖြစ်သဖြင့် ဘဏ်လုပ်ငန်းများ အဆင်ပြေစွာဖြင့်ပုံမှန် ပြန်လည်ဆောင်ရွက်လျက်ရှိကြောင်းသတင်းရရှိသည်။