ကာကွယ်ရေးဦးစီးချုပ်(ရေ) ဗိုလ်ချုပ်ကြီးထိန်ဝင်း တရုတ်ပြည်သူ့လွတ်မြောက်ရေး တပ်မတော်(ရေ)မှ စစ်ရေယာဉ်များသို့ သွားရောက်လေ့လာ

ကာကွယ်ရေးဦးစီးချုပ်(ရေ) ဗိုလ်ချုပ်ကြီးထိန်ဝင်း တရုတ်ပြည်သူ့လွတ်မြောက်ရေး တပ်မတော်(ရေ)မှ စစ်ရေယာဉ်များသို့ သွားရောက်လေ့လာ

နေပြည်တော် စက်တင်ဘာ ၂၅

ပြည်ထောင်စုသမ္မတမြန်မာနိုင်ငံတော်သို့ ချစ်ကြည်ရေးအလည်အပတ်ခရီးရောက်ရှိနေသော တရုတ်ပြည်သူ့လွတ်မြောက်ရေးတပ်မတော်(ရေ) 48th PLA  Navy Task Group မှ ဖျက်သင်္ဘော  Tang   Shan၊ ဖရီဂိတ်စစ်ရေယာဉ် Da Qing နှင့်ထောက်ပံ့ရေးစစ်ရေယာဉ် Tai Hu တို့ ရန်ကုန်မြို့၊  သီလဝါဆိပ်ကမ်း MITT တံတားသို့ရောက်ရှိနေစဉ် ကာကွယ်ရေးဦးစီးချုပ်(ရေ)ဗိုလ်ချုပ်ကြီးထိန်ဝင်း   ဦးဆောင်သောအဖွဲ့သည်   ယနေ့မွန်းလွဲပိုင်းတွင်  အဆိုပါစစ်ရေယာဉ်များပေါ်သို့ သွားရောက်ကြည့်ရှုလေ့လာခဲ့ကြသည်။

ဦးစွာ ကာကွယ်ရေးဦးစီးချုပ်(ရေ)သည် ရန်ကုန်မြို့၊သီလဝါဆိပ်ကမ်း MITT တံတားသို့ရောက်ရှိရာ တရုတ်ပြည်သူ့လွတ်မြောက်ရေးတပ်မတော်(ရေ) မှအဖွဲ့ခေါင်းဆောင်အဖြစ်လိုက်ပါလာသော Senior Captain Xu Fang နှင့်တာဝန်ရှိသူများကကြိုဆိုနှုတ်ဆက်ကြသည်။ ထို့နောက် ကာကွယ်ရေးဦးစီးချုပ် (ရေ)သည် ဖျက်သင်္ဘော Tang Shan ပေါ်တွင် ရေယာဉ်တာဝန်ကျတပ်ဖွဲ့၏အလေးပြုခြင်းကိုခံယူသည်။ ယင်းနောက်  စစ်ရေယာဉ်မှူးနှင့်တာဝန်ရှိသူများက ရေယာဉ်ဆိုင်ရာအချက်အလက်များနှင့်ပတ်သက်၍ လိုက်လံရှင်းလင်းတင်ပြခဲ့ပြီး အမှတ်တရလက်ဆောင်ပစ္စည်းများ အပြန်အလှန်ပေးအပ်ကာ စုပေါင်းမှတ်တမ်းတင်ဓာတ်ပုံရိုက်ကူးခဲ့သည်။   ဆက်လက်၍ ဖရီဂိတ်စစ်ရေယာဉ် Da Qing နှင့် ထောက်ပံ့ရေးစစ်ရေယာဉ် Tai Hu တို့ပေါ်သို့ တက်ရောက်လေ့လာခဲ့ရာ  တာဝန်ရှိသူများက ရေယာဉ်ဆိုင်ရာ အချက်အလက်များနှင့် ပတ်သက် ၍  ရှင်းလင်းတင်ပြခဲ့ကြကြောင်း သတင်းရရှိသည်။ (၁၀၀)