(၁၉)ကြိမ်မြောက် တပ်ဖွဲ့တွင်း အဆို၊ အက၊ အရေး၊ အတီး၊ အငြိမ့်၊ ပြဇာတ်နှင့် မျက်လှည့်ပြိုင်ပွဲ ပဉ္စမနေ့ ဆက်လက်ကျင်းပ
နေပြည်တော်၊ ၂၀၂၆ ဩဂုတ် ၃၀
ကာကွယ်ရေးဦးစီးချုပ်ရုံး (ကြည်း)၊ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးရုံး၏ (၁၉) ကြိမ်မြောက် တပ်ဖွဲ့တွင်း အဆို၊ အက၊ အရေး၊ အတီး၊ အငြိမ့်၊ ပြဇာတ်နှင့်မျက်လှည့်ပြိုင်ပွဲ ပဉ္စမနေ့ကို နေပြည်တော်စစ်ကြောရေးနှင့်တည်းခို ရေးစခန်းရှိ ဆင်ဖြူရှင်ခန်းမ၌ဆက်လက်ကျင်းပသည်။
ဦးစွာ နံနက်ပိုင်းတွင် (၁၉) ကြိမ်မြောက် တပ်ဖွဲ့တွင်း အဆို၊ အ က၊ အရေး၊ အတီး၊ အငြိမ့်၊ ပြဇာတ်နှင့်မျက်လှည့်ပြိုင်ပွဲမှအရေးပြိုင်ပွဲတွင် ပြည်သူ ညီတူ ကြည်ဖြူ စိတ်ဓာတ်ဆိုသော ခေါင်းစဉ်ဖြင့့် ပြိုင်ပွဲဝင် ၁၃ ဦးကလည်းကောင်း၊ အတီးပြိုင်ပွဲတွင် မြန်မာ့ဆိုင်းတစ်ဦးချင်းနှင့် ပတ္တလားပြိုင်ပွဲတွင် ပြိုင်ပွဲဝင် ၇ ဦးက လျှပ်ပန်းခွေနွဲ့ ယိုးဒယားသီချင်းဖြင့်လည်းကောင်း အသီးသီးယှဉ်ပြိုင်ခဲ့ကြသည်။
မွန်းလွဲပိုင်းတွင် ခေတ်ပေါ်တီးဝိုင်းမှ(အဖွဲ့လိုက်)ပြိုင်ပွဲကို ပြိုင်ပွဲဝင်အဖွဲ့ ၆ ဖွဲ့မှ မြိုင်ဆိုင်မြူးကြွလှသောတီးလုံးလက်သံများဖြင့် အသီးသီးတီးခတ်ယှဉ်ပြိုင်ကြသည်။
ညပိုင်းတွင် အငြိမ့်ပြိုင်ပွဲကိုနယ်လှည့်ပြည်သူ့ဆက်ဆံရေးတပ် ခွဲများကဆက် လက် ယှဉ်ပြိုင်ကြသည်။
အဆိုပါ ပြိုင်ပွဲသို့ ကာကွယ် ရေးဦးစီးချုပ်ရုံး (ကြည်း) ပြည်သူ့ဆက်ဆံးရေးနှင့် စိတ်ဓာတ်စစ်ဆင်ရေးညွှန်ကြားရေးမှူးရုံးမှတာဝန်ရှိသူများ၊ အကဲဖြတ်ဒိုင်အဖွဲ့ဝင် အနုပညာ ရှင်ကြီးများ၊ ဖိတ်ကြားထားသည့် ဧည့်သည်တော်များနှင့် ပြိုင်ပွဲဝင် စစ်သည်၊ စစ်သမီးများ၊ တပ်နယ်မှ အရာရှိ၊ စစ်သည်၊ မိသားစုဝင်များ တက်ရောက် ကြည့်ရှု အားပေးကြကြောင်း သိရသည်။