ရန်ကုန်တိုင်းဒေသကြီး၊ ကိုကိုးကျွန်းမြို့နယ်နှင့် ဧရာဝတီတိုင်းဒေသကြီး၊ ဟိုင်းကြီး ကျွန်းမြို့နယ်အတွင်းရှိ ကျေးရွာများနှင့် ပတ်ဝန်းကျင်ကျေးရွာများမှ ဒေသခံပြည်သူ များအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးရန်အတွက် တပ်မတော် ပင်လယ်သွားဆေးရုံရေယာဉ်(သံလွင်)ဖြင့် ရောက်ရှိနေသည့် တပ်မတော်မှ ပါရဂူများ၊ ဆေးမှူးများနှင့် သူနာပြုများပါဝင်သော တပ်မတော်နယ်လှည့်အထူးကု ဆေးအဖွဲ့သည် ယနေ့နံနက်ပိုင်းတွင် ကျုံကူးကျေးရွာမှ ပြန်လည်ထွက်ခွာ၍ ငပုတောမြို့ သို့ ရောက်ရှိရာ ဌာနဆိုင်ရာတာဝန်ရှိသူများ၊ ရပ်မိရပ်ဖများ၊ ဆရာ၊ ဆရာမများ၊ ကျောင်းသား၊ ကျောင်းသူ များနှင့် ဒေသခံပြည်သူများက သောင်းသောင်းဖြဖြ ကြိုဆို နှုတ်ဆက်ကြသည်။
အဆိုပါ နယ်လှည့်ဆေးကုသရေးအဖွဲ့သည် ယနေ့တွင် ငပုတောမြို့၊ မြို့နယ် ပြည်သူ့ကျန်းမာရေးဦးစီးဌာနဝန်း၌ အခြေပြု၍ ဒေသခံပြည်သူ ၃၅၂ ဦးအား ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးသည်။
ထိုသို့ဆောင်ရွက်ပေးရာတွင် ဆေးကုသမှုဆိုင်ရာရောဂါ ၆၄ ဦး၊ ခွဲစိတ်ရောဂါ ၃၈ ဦး၊ သားဖွားမီးယပ်ရောဂါ ၁၅ ဦး၊ ကလေးရောဂါ ၂၈ ဦး၊ အရိုးရောဂါ ၅၁ ဦး၊ နား၊ နှာခေါင်း၊ လည်ချောင်းရောဂါ ၃၀ ဦး၊ မျက်စိရောဂါ ၇၂ ဦးနှင့် သွားနှင့်ခံတွင်းရောဂါ ၅၄ ဦးတို့ကို လိုအပ်သည့် ဆေးဝါးကုသမှုများ ဆောင်ရွက်ပေးသည်။ ၎င်းတို့အနက် အထွေထွေခွဲစိတ်လူနာ ၅ ဦး၊ မျက်စိခွဲစိတ်လူနာ ၈ ဦး၊ ဓာတ်မှန်ရိုက်လူနာ ၄ ဦး၊ Ultrasound စက်ဖြင့် စမ်းသပ်စစ်ဆေးလူနာ ၇၁ ဦး၊ ECG စက်ဖြင့် နှလုံးစမ်းသပ်လူနာ ၃၈ ဦးနှင့် ဓာတ်ခွဲစမ်းသပ်လူနာ ၂၇ ဦးတို့ကို ရောဂါရှာဖွေစမ်းသပ်ကုသပေးခြင်းများ ဆောင်ရွက်ပေးသည်။
ထို့ပြင် ဆေးဝါးလာရောက်ကုသမှုခံယူကြသည့် ဒေသခံပြည်သူများကို တာဝန်ရှိ သူများက လိုက်လံကြည့်ရှုအားပေးပြီးလိုအပ်သည်များ ပေါင်းစပ်ညှိနှိုင်း ဆောင်ရွက်ပေး သည်။
ထိုသို့ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးနေမှုများအပေါ် ဒေသခံပြည်သူများ၏ စကားသံများကိုလည်း ယခုလိုပဲ ကြားသိခဲ့ရပါတယ် -
ဆေးကု(သံလွင်) ၂၆-၁၁-၂၀၂၅
၁။ လက်မောင်းပကအနာက တော်တော်အခက်အခဲဖြစ်တယ်။ တော်တော်နာပြီး ပြည် တွေပေါက်သွားမှ သက်သာတယ်။ ဒူးခေါင်းကလည်း နာတော့လေ အရိုးပွတဲ့ဆေးတွေကိုပဲ သောက်နေရတယ်။ အဲတာမှသက်သာတာကို ။ သွားကလည်း ပလက်တီနမ်စိုက်တာတွေက အစတွေဝင်ပြီးတော့ ထမင်းလည်းမဝါးနိုင်ဘူး ရှေ့သွားနဲ့ပဲစားရတယ်။ အဲတာအခုလုပ်ပေး ထားတယ်။ သင်္ဘောပေါ်ခေါ်သွားပြီးတော့ လက်ကိုလည်း ထုံဆေးနဲ့ခွဲပေမယ်တဲ့ နောက်တစ် ခေါက်တစ်လပိုင်းလာရင် ကျန်တဲ့သွားကို ပြန်နှုတ်ပေးမယ်လို့ပြောတယ်။ ဆေးတွေလည်း ပေးတယ်၊ သွေးဖောက်ယူထားတယ်၊ သွေးစစ်ပေးတယ်၊ ဆီးချိုစစ်ပေးတယ်။ နွေးနွေး ထွေးထွေးရှိပါတယ်။ ဆရာမလေးတွေကလည်းလိုက်ပို့တယ်။ ဆရာဝန်လေးတွေကလည်း အကုန်အစုံမေးစမ်းပြီးတော့ စစ်ဆေးပြီးတော့ ကုသပေးပါတယ်။ ဘာမှမကုန်ကျပဲ လာပြီး ကုသပေးတာကိုလည်း အများကြီးကျေးဇူးတင်ပါတယ်။ အားလုံးလည်း ကျန်းမာချမ်းသာကြ ပါစေ။
၂။ လမ်းမလျှောက်နိုင်လို့ အဲဒါလာပြတာ နာတဲ့အခါကျရင် လမ်းမလျှောက်နိုင်ဘူး။ မက်တပ်ရပ်လို့ရှိရင်လည်း အကြာကြီးမရပ်နိုင်ဘူး။ ကျန်းမာရေးအခြေအနေကတော့ အရိုး ကျီးပေါင်းဖြစ်တယ်လို့ပြောတယ်။ ခုံမှာဒီလိုထိုင်ရမယ်၊ ကြာရင်လေ့ကျင့်ခန်းလုပ်ရမယ်၊ အဲဒီ လိုပြောပါတယ်။ ဒီကိုလာရင်ကောင်းတယ်ပေါ့နော်၊ သူတို့ကစေတနာပါပါနဲ့လုပ်ပေးတယ်။ အိပ်လို့ရှိရင်လည်း ဒီအရိုးကြီးက အရင်အရိုးကြီးကအဲလိုမပေါ်ဘူးလေ အခုမှအရိုးကြီးက ပေါ်လာတာ ။ ထိုင်ရင်ထရင်ကတော့ ဇတ်ခနဲထလို့မရဘူး။ ဒီလိုပဲဖြည်းဖြည်းလေးထရ တယ်။ လာပြီးတော့ကုသပေးတဲ့ ဆရာတွေ ၊ ဆရာဝန်တွေ ၊ ဆရာမတွေကိုလည်း ကျေးဇူး တင်ပါတယ်။