ဧရာဝတီမြစ်ကြောင်းတစ်လျှောက်ရှိ ဒေသခံပြည်သူများအား ကျန်းမာရေးစောင့် ရှောက်မှုလုပ်ငန်းများ ဆောင်ရွက်ပေးရန်အတွက် တပ်မတော်မြစ်တွင်းသွားဆေးရုံရေ ယာဉ်(ရွှေပုဇွန်)၊ မြစ်ရေယာဉ်(စကု)တို့ဖြင့် ရောက်ရှိနေသည့် တပ်မတော်မှ ပါရဂူများ၊ ဆေးမှူးများ၊ သူနာပြုများ ပါဝင်သော နယ်လှည့်အထူးကုဆေးအဖွဲ့သည် ယနေ့တွင် မြောင်းမြမြို့နယ်၊ တောင်ကလေးကျေးရွာ၊ ဗြဟ္မဝိဟာရကျောင်းတိုက်၌ အခြေပြု၍ အဆိုပါကျေးရွာနှင့် အနီးဝန်းကျင်ကျေးရွာများမှ ဒေသခံပြည်သူ ၄၇၉ ဦးအား ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်ပေးသည်။
ထိုသို့ ဆောင်ရွက်ပေးရာတွင် ဆေးကုသမှုဆိုင်ရာရောဂါ ၂၁၇ ဦး၊ ခွဲစိတ်ရောဂါ ၂၇ ဦး၊ သားဖွား/မီးယပ်ရောဂါ ၂၆ ဦး၊ ကလေးရောဂါ ၃၉ ဦး၊ အရိုးရောဂါ ၅၄ ဦး၊ နား၊ နှာခေါင်း၊ လည်ချောင်းရောဂါ ၂၈ ဦး၊ မျက်စိရောဂါ ၅၄ ဦးနှင့် သွားနှင့်ခံတွင်းရောဂါ ၃၄ ဦးတို့ကို လိုအပ်သည့် ဆေးဝါးကုသမှုများ ဆောင်ရွက်ပေးသည်။ ၄င်းတို့အနက် အထွေထွေခွဲစိတ်လူနာ ၂ ဦး၊ မျက်စိခွဲစိတ်လူနာ ၆ ဦး၊ ဓာတ်မှန်ရိုက်လူနာ ၂၁ ဦး၊ Ultrasound စက်ဖြင့် စမ်းသပ်စစ်ဆေးလူနာ ၄၉ ဦး၊ ECG စက်ဖြင့် နှလုံးစမ်းသပ်လူနာ ၁၈ ဦးနှင့် ဓာတ်ခွဲစမ်းသပ်လူနာ ၅၄ ဦးတို့ကို ရောဂါရှာဖွေ စမ်းသပ်ကုသပေးခြင်းများ ဆောင်ရွက်ပေးသည်။
ထိုသို့ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးနေမှုများအပေါ် ဒေသခံပြည်သူများ၏ စကားသံများကို ယခုလိုပဲကြားသိခဲ့ရပါတယ်-
ဆေးကု(ရွှေပုဇွန်)၂၆-၁၁-၂၀၂၅
၁။ မျက်စိကတော့နဂိုတုန်းကတော့အကောင်းပေါ့။ နောက်ပိုင်းကျ မျက်စိကကြီးလာပြီး တဖြည်းဖြည်းနဲ့ ပြာလာတယ်။ အခုကျမှခွဲရပါတယ်။ အခြားသွားရမှာနဲံစာရင် အိမ်တိုင်ယာ ရောက်လာပြီးတော့ ဆေးကုသပေးတဲ့အတွက် ကျေးဇူးလည်းတင်ပါတယ်။ နောက်ပြီးတော့ လည်း ကြင်နာမှု ယုယမှုလည်းနွေးထွေးပါတယ်။ ဂရုလည်းစိုက်ကြပါတယ်။ ပြည်သူလူထုကို နွေးထွေးသောမေတ္တာနဲ့ ကုသပေးတာ ကျေးဇူးတင်ပါတယ်။
၂။ ကျွန်မရဲ့ရောဂါက ဆီးအောင့်တဲ့ရောဂါပါ၊ ဒူးကောက်ကြောတွေလည်း နာပါတယ်။ အဲဒါကိုလာရောက်ပြသခြင်းဖြစ်ပါတယ်။ အစပ်တွေဘာတွေမစားပါနဲ့တဲ့ ရေများများသောက် ပါတဲ့ ။ ဝမ်းသာတယ်အခုလိုလာပြီးတော့ ပြခွင့်ရတော့ အထူးလည်းကျေးဇူးတင်တယ်။ အခုလိုလာပြတဲ့ လူနာတွေလည်း အကုန်အဆင်ပြေပါတယ်။ အကုန်လုံးလည်း စစ်စစ်ဆေး ဆေးနဲ့ သူတို့ကလုပ်ပေးပါတယ်။ ဘာမှလိုလေသေးမရှိပါဘူး။ ဆရာတွေကိုလည်း ကျေးဇူး အများကြီးတင်ပါတယ်။