ဒီပဲယင်းမြို့နယ်အတွင်း လုံခြုံရေးတပ်ဖွဲ့ဝင်များနှင့်အကြမ်းဖက်သူများ ထိတွေ့မှုဖြစ်ပွား၊ အကြမ်းဖက်သူ အချို့နှင့်အတူ လက်နက်၊ ခဲယမ်းများအား သိမ်းဆည်းရမိ
နေပြည်တော်၊ ဇူလိုင် - ၂
စစ်ကိုင်းတိုင်းဒေသကြီး၊ ဒီပဲယင်းမြို့နယ်အတွင်း နယ်မြေလုံခြုံရေး၊ ရပ်ရွာအေးချမ်း သာယာရေးနှင့် တရားဉပဒေစိုးမိုးရေးတို့အတွက် လုံခြုံရေးဆောင်ရွက်နေသည့် တပ်ဖွဲ့ဝင် များသည် ယနေ့ညနေ ၆ နာရီခွဲခန့်တွင် ဒီပဲယင်းမြို့၊ ကျွန်းတောကျေးရွာ၏ အရှေ့ဘက် မီတာ ၉၀၀ ခန့်အကွာသို့ အရောက်၌ အကြမ်းဖက်သူအင်အား ၁၀၀ ဦးခန့်က လက်နက် ငယ်၊ တူမီးသေနတ်များဖြင့် စောင့်ကြိုပစ်ခတ်တိုက်ခိုက်လာခဲ့သဖြင့် အပြန်အလှန် ထိတွေ့မှုဖြစ်ပွားခဲ့ပြီး ည ၇ နာရီခန့်တွင် အကြမ်းဖက်သူများသည် ကျွန်းတောကျေးရွာ၏ အနောက်ဘက်သို့ ဆုတ်ခွာ ထွက်ပြေးသွားခဲ့သည်။
